आलमको बयान सुरु

शिव पुरी

रौतहट — कर्तव्य ज्यान, ज्यानमार्ने उद्योग र विस्फोटन भण्डारणको आरोपमा पक्राउ परेका पूर्वमन्त्री मोहम्मद आफताब आलमसित जिल्ला अदालतले बयान लिन सुरु गरेको छ । 

झण्डै ८ सय पृष्ठ लामो अनुसन्धानको मिसिल फोटोकपी गर्न समय लागेकाले आलमको बयानमा ढिलाइ भएको थियो । मिसिलको फोटोकपी अधुरो भएको भन्दै बयान केही समयका लागि रोकिएको थियो । अहिले फेरी सुरु भएको छ ।


आलममाथि ३ वटा अभियोग लगाएर जन्म कैदको सजायसहित जिल्ला सरकारी वकिलको कार्यालयले सोमबार अभियोग पत्र दर्ता गराएपछि मंगलबार उनीसँग बयान लिन लागेको हो ।


जिल्ला अदालतका न्यायाधीश दीपक ढकालले आलमसित बयान लिन सुरु गरेका हुन् । यसअघि उनले अनुसन्धानको क्रममा प्रहरी र सरकारी वकिलको कार्यालयमा आलमले घट्ना नै नभएको बयान दिएका छन् । आलमले आफ्नो गिरफतारी असान्दर्भिक भएको भनेका छन् ।


जिल्ला न्यायधिवक्ता खडिन्द्रराज कट्वालले ८ सय पृष्ठ लामो मिसिलको फोटो कपी गर्न समय लागेकोले बयान केही समयका लागि रोकिएको बताए । ‘अब बयान सुरु भएको छ,’आलम सित न्यायाधीश ढकालले बयान लिने क्रम जारी छ ।’


जिल्ला न्यायधिवक्ता कट्वालका अनुसार आज आलमको बयान सकिएपछि थुनछेकको बहस सम्भवतः हुँदैन होला । सदरमुकाम गौरमा ठूलो संख्यमा आलमका कार्यकर्ता जम्मा भएका छन् । कुनै अप्रिय घट्ना हुन नदिन अदालत वरपरको सुरक्षा व्यवस्था कडा बनाइएको छ ।

प्रकाशित : कार्तिक १९, २०७६ १५:३९
ADVERTISEMENT
प्रतिक्रिया
पठाउनुहोस्
ADVERTISEMENT

फोटोकपीले आलमको बयान केही समय रोकियो 

शिव पुरी

रौतहट — कर्तव्य ज्यान, ज्यानमार्ने उद्योग र विस्फोटन भण्डारणको आरोपमा पक्राउ परेका कांग्रेस नेता एवं पूर्वमन्त्री मोहम्मद आफताब आलमसँग जिल्ला अदालतले बयान लिन सुरु गरे लगत्तै केहीसमयका लागि रोकिएको छ । 

झण्डै ८ सय पृष्ठ लामो अनुसन्धानको मिसिल फोटोकपी गर्न समय लागेकोले आलमको बयानमा ढिलाइ भएको हो । मिसिलको फोटोकपी अधुरो भएको भन्दै बयान केही समयका लागि रोकिएको हो ।
आलममाथि ३ वटा अभियोग लगाएर जन्मकैद मागसहित जिल्ला सरकारी वकिलको कार्यालयले सोमबार अभियोग पत्र दर्ता गराए पछि मंगलबार उनीसित बयान लिइएको हो । अनुसन्धानको क्रममा प्रहरी र सरकारी वकिलको कार्यालयमा आलमले घटना नै नभएको भन्दै बयान दिएका छन् । उनको इन्कारी बयान पछि प्रहरीले पोलिग्राफको तयारी गरेको थियो । तर आलमले मानेनन् । अदालतमा समयमै उपस्थित गराइए पनि मिसिल ठूलो भएकाले फोटोकपी मै समय धेरै लागेको जिल्ला न्यायधिवक्ता खडिन्द्रराज कटवालले जनाए ।

‘बल्ल बयान सुरु भएको थियो,’ उनले भने, ‘बयान सकिएपछि सम्भवतः भ्याइयो भने आजै नभए भोलिबाट थुनछेक बहस हुने छ ।’ उनको बयान सुरु भएपछि मिसिलमा रहेको केही फोटोकपी गर्न छुटेकाले रोकिएको प्रहरीले जनायो । उनलाई अदालत लगिँदा कार्यकर्ताको बाहिर भीड लागेको थियो । सदरमुकाम गौरको सुरक्षा व्यवस्था कडा बनाइएको छ । जिल्ला प्रहरी प्रमुख एसपी भुपेन्द्र खत्रीले गौरको सुरक्षा व्यवस्था कडा बनाइएको बताए ।

संविधानसभा निर्वाचनको अघिल्लो दिन २०६४ चैत २७ गते राजपुर फरदहवामा भएको बम विस्फोटको घटनामा आलमविरुद्ध कर्तव्य ज्यान, ज्यान मर्ने उद्योग र विस्फोटन भण्डारणको मुद्दामा प्रहरीले अनुसन्धान सकेर सरकारी वकिलको कार्यालयमा गएको शुक्रबार मिसिल बुझाएको थियो । त्यसपछि उनीमाथि अभियोग अनुसारको सजायको माग सहित ३९ पृष्ठ लामो अभियोग पत्र अदालतमा दर्ता भएको छ ।

उनलाई जिल्ला अदालतका न्यायधीश दिपक ढकालले बयान लिन सुरु गरेका छन् । राजपुर बम विस्फोटमा परी सरुअठाका त्रिलोकप्रताप सिंह र ओसी अख्तरलाई घाइते अवस्थामा लगेर जिउँदै चिम्नीभट्टामा हालेर मारेको आलममाथि आरोप छ ।

प्रकाशित : कार्तिक १९, २०७६ १४:१९
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
×