उपनिर्वाचनमा कांग्रेस विजयी भए अन्तरकलह अन्त्य हुन्छ : देउवा

रासस

चितवन — नेपाली कांग्रेसका सभापति शेरबहादुर देउवाले मंसिर १४ गते हुने उपनिर्वाचनमा कांग्रेसका उम्मेदवार विजयी भए पार्टीको आन्तरिक कलह अन्त्य हुने बताएका छन् ।

कार्यकर्तासँग छलफल गर्दै उनले पार्टीभित्रको आन्तरिक कलह अन्त्यका लागि पनि कांग्रेसका उम्मेदवार विजयी हुन आवश्यक रहेको बताए।

प्रतिनिधि र प्रदेशसभाको निर्वाचनका क्रममा भएको तिक्तताको अन्त्य गर्दै उपनिर्वाचनमा सबै एक भएर लाग्नु आवश्यक रहेको उनको भनाइ थियो। पार्टीभित्रको आन्तरिक कलहका विषयमा कार्यकर्ताको जिज्ञासापछि सभापति देउवाले भने, 'उपनिर्वाचनमा उम्मेदवार विजयी गराउनुस्, पार्टीभित्रको विवाद अन्त्य हुन्छ।'

प्रतिनिधिसभा र प्रदेशसभाको निर्वाचनका क्रममा अन्य शक्ति एक ठाउँमा र कांग्रेस दुई पार्टी जस्तो भएका कारण हार बेहोर्नु परेको भन्दै उनले उपनिर्वाचनमा यस्तो भए कारबाही गरिने चेतावनी दिए। अहिलेको निर्वाचनमा सरकारको नेतृत्व गर्ने शक्तिसँगको प्रतिस्पर्धा गर्नुपर्ने समयमा कांग्रेसभित्र गुट उपगुटको अन्त्य गरी एउटै पार्टी बनेर निर्वाचन लड्नु आवश्यक रहेको उनले बताए।

स्थानीय तहमा हुने उपनिर्वाचनका लागि जिल्लाले उम्मेदवार तोकिसकेको बताउँदै उनले संघ र प्रदेशमा हुने निर्वाचनका लागि आइतबार साँझ बस्ने पदाधिकारी बैठकले उम्मेदवारको टुंगो लगाउने बताए। जनतामाझ लोकप्रिय नेतालाई उम्मेदवार बनाइने उनको जिकिर थियो।

कांग्रेसको जनमत अहिले पनि नघटेको बताउँदै सभापति देउवाले जनमतको कदर हुने गरी काम गरिने विश्वास व्यक्त गरे। भ्रातृ संगठनको विवाद पनि केन्द्रीय समितिको बैठकबाट अन्त्य हुने उनले जानकारी दिए।

प्रकाशित : कार्तिक १७, २०७६ १५:४१
ADVERTISEMENT
प्रतिक्रिया
पठाउनुहोस्

प्रधानमन्त्रीले आजै बोलाए अर्को मन्त्रिपरिषद् बैठक

कान्तिपुर संवाददाता

काठमाडौँ — प्रधानमन्त्रीले आइतबार दोस्रोपटक मन्त्रिपरिषद् बैठक बोलाएका छन् । दिउँसो १२ बजे बालुवाटारमा डेढ घण्टाका लागि मन्त्रिपरिषद् बैठक बसेको थियो । उनले आजै बेलुका ५ बजेका लागि दोस्रो बैठक बोलाएका हुन् । 

सहकारीमन्त्री पद्मा अर्यालले भनिन्, 'बिहानको बैठकमा सबै एजेन्डाहरुमा छलफल भइसकेको छ। बेलुकाको बैठक केका लागि बोलाइएको हो जानकारी दिइएको छैन।'

प्रधानमन्त्री ओली बैठक चलिरहेको बेला केही समय शिक्षण अस्पताल गइ स्वास्थ्य परिक्षण गरी फर्किएर पुन: बैठकमा बसेका थिए।

प्रकाशित : कार्तिक १७, २०७६ १५:३८
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्