इन्डोनेसियाबाट सेनाको विमान नेपाल आइपुग्यो- समाचार - कान्तिपुर समाचार
कान्तिपुर वेबसाईट
AdvertisementAdvertisement

इन्डोनेसियाबाट सेनाको विमान नेपाल आइपुग्यो

कान्तिपुर संवाददाता

काठमाडौँ — नेपाली सेनाले खरिद गरेको सीएन२३५–२२० विमान शनिबार इन्डोनेसियाबाट नेपाल आइपुगेको छ । उक्त विमान इन्डोनेसियाको सरकारी विमान कम्पनी पीटी डिरगन्तारा इन्डोनेसिया (पीटीडीआई) ले नेपाली सेनाको मागअनुसार बनाएको हो ।

नेपाली सेनाका प्रवक्ता विज्ञान देव पाण्डेका अनुसार उक्त विमान सामान बोक्नको लागि प्रयोग गरिने छ । सेनाले सन् २०१७ मा उक्त विमान निर्माण सम्झौता गरेको थियो । पाण्डेले विमानलाई कति मूल्य परेको भन्ने जानकारी नदिनन् । स्रोतका अनुसार विमान करिब ३ अर्ब रूपैयाँमा खरिद गरिएको हो ।





प्रकाशित : कार्तिक १६, २०७६ १२:५८
प्रतिक्रिया
पठाउनुहोस्

महानगर प्रमुखले फेरि गरे सडक दण्डप्रणाम

विनोद भण्डारी

(विराटनगर) — छठी मातासँग विराटनगर महानगरपालिकावासीको समृद्धि र विकासको कामना गर्दै महानगर प्रमुख भीम पराजुलीले यस वर्ष पनि करिब साँढे ३ किलोमिटर सडकमा दण्डप्रणाम गर्दै जलाशय किनार सिंघीया घाटको यात्र सुरु गरेका छन् । यो उनको १५ औ दण्डप्रणाम यात्रा हो ।

शनिबार बिहान साँढे १० बजे स्थानीय शिवपाञ्चायन मन्दिरबाट सुरु भएको उनको यात्रा साँझ ५ बजेसम्म सिंघीया जलाशय पुगेर टुंगिने पराजुलीको अनुमान छ । उनलाई यसपालि पत्नि रञ्जीता र भतिजा प्रमेशले साथ दिएका छन् ।

साँझ जलाशय क्षेत्रमा पुगेर अरु ब्रतालुझैं अस्ताउँदो सूर्यलाई जल चढाएर उनी पैदल घर फर्कने छन् । पराजुलीले आइतबार बिहान उदाउँदो सूर्यलाई पनि जल चढाउन जलाशय पुग्ने पनि बताए ।

सडकमा दण्डप्रणाम गर्दै जलाशयसम्म पुग्नुलाई छठ पर्वको सबैभन्दा कठिन ब्रत मानिन्छ । यो ब्रत बस्दा मनले चिताएको पूरा हुने विश्वाससहित विगत १५ वर्षदेखि यो प्रक्रियालाई निरन्तरता दिँदै आएको उनले बताए । उनको यसपालिको मनकामना महानगरवासीको समृद्धि, विकास र शान्ति सुरक्षा छ ।

प्रकाशित : कार्तिक १६, २०७६ १२:३५
पूरा पढ्नुहोस्
प्रतिक्रिया
पठाउनुहोस्
×