ट्वीटरले राजनीतिक विज्ञापन हटाउने

एएफपी

वासिंगटन — ट्वीटरले आफ्नो प्लेटफर्मबाट राजनीतिक विज्ञापन स्वीकार नगर्ने बुधबार घोषणा गरेको छ । राजनीतिक व्यक्तिहरुबाट सामाजिक सञ्जालमा गलत सूचना प्रवाह हुने गरेको भन्दै सबै क्षेत्रबाट चासो व्यक्त भएपछि उक्त निर्णय गरिएको ट्वीटरले जनाएको छ ।

ट्वीटरका प्रमुख कार्यकारी ज्याक डोर्सेले ट्वीट गर्दै इन्टरनेट विज्ञापन निकै सशक्त र ज्यादै प्रभावकारी देखिएपनि यो शक्तिलाई राजनीतिक व्यक्तिहरुले दुरुपयोग गर्ने सम्भावना बढी देखिएको बताएका छन् । उनले यही हतियारका आधारमा लाखौं जनतालाई मतदानका बेला दिग्भ्रमित पार्ने खतरा रहेको उल्लेख गरेका छन् ।

ट्वीटरको यो निर्णयसँगै फेसबुकमाथि पनि राजनीतिक विज्ञापन गर्नुअघि तथ्य–जाँच गर्न तीव्र दबाब परेको छ ।

डोर्सेले नयाँ नीति बमोजिम राजनीतिक मामिलाका साथै उम्मेदवारका सबै विज्ञापनमाथि रोक लगाइने छ । उनले अर्को महिना विज्ञापनसँग सम्बन्धित विस्तृत विवरण सार्वजनिक गरिने र आगामी नोभेम्बर २२ देखि यो नीति लागू हुने पनि जानकारी दिए ।

तर फेसबुकका प्रमुख कार्यकारी मार्क जुकरबर्गले राजनीतिक विज्ञापन फेसबुकका लागि ठूलो आम्दानीको स्रोत नभएको बताउँदै राजनीतिक विज्ञापनमा प्रतिबन्ध लगाउँदा बहालवाला राजनीतिक व्यक्तिलाई नै फाइदा पुग्ने दाबी गरेका छन् । प्रतिबन्धले स्वतन्त्र र नयाँ “आवाज”लाई दबाउने जुकरबर्गको तर्क छ । तर डोर्से भने जुकरबर्गको तर्कसँग सहमत छैनन् ।

डोर्सेले कुनै राजनीतिक विज्ञापन बेगर पनि ठूला र धेरै सामाजिक अभियानहरु सञ्चालनमा आएको बताए ।

प्रकाशित : कार्तिक १४, २०७६ १५:५६
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

लिभरपुलको उत्कष्ट पुर्नआगमन जित

एएफपी

लन्डन — मोहम्मद सलाहले लिभरपुलका लागि आइतबार राति घरेलु मैदानमा ५० औं व्यक्तिगत गोल गरे र त्यसको मदतले क्लबले इंग्लिस प्रिमियर लिगमा टोटनहमलाई २–१ ले हरायो ।

यस जितपछि लिभरपुलले लिग तालिकाको शीर्ष स्थानमा छ अंकको अग्रता खोलेको छ । टोटनहमले प्रस्तुत गरेको कडा चुनौतीलाई निस्तेज पार्न सलाहले एनफल्डमा आप्mनो ५० औं गोल पूरा गरे ।


ह्यारी केनले ५७ औं सेकेन्डमा गोल गर्दै अग्रता लिएपछि लिभरपुलले खेलमा उत्कृष्ट पुर्नआगमन जित रचेको हो । यसअघि जोर्डन हेन्डरसनले बराबरी गोल गरेका थिए ।


आइतबार रातिका अन्य खेलमा म्यानचेस्टर युनाइटेडले नरविचलाई ३–१ ले हरायो भने आर्सनलले क्रिस्टल प्यालेससँग २–२ को बराबरी खेल्यो । यसअघि उभ्ल्सले न्युकासल युनाइटेडलाई १–१ को बराबरीमा रोकेको थियो ।


प्रकाशित : कार्तिक ११, २०७६ ०८:४६
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT