रौतहटमा गोली प्रहारबाट भारतीय नागरिक घाइते 

शिव पुरी

रौतहट — जिल्लाको सदरमुकाम गौरमा बुधबार साँझ अज्ञात समूहले प्रहार गरेको गोली लागी एक भारतीय नागरिक घाइते भएका छन् । उनको अवस्था जटिल छ । गोली प्रहार गर्नेको पहिचान हुन सकेको छैन । 

ZenTravel

Meroghar

प्रहरीले घटनामा संलग्नको खोजी गरिरहेको जनाएको छ । गौर ३ स्थित विद्युत् प्राधिकरण अगाडि भारतको बिहार राज्य घर भएका ४५ वर्षीय विजय साहमाथि हतियारधारीले गोली प्रहार गरेको जिल्ला प्रहरीले जनायो । उनको पेटमा गोली लागेको छ । साह समान्य बोल्न सक्छन् । रिसईबि साध्न भारतीयले नै आफूमाथि गोली प्रहार गरेको साहले बताएका छन् ।
जिल्ला अस्पताल गौरले साहलाई थप उपचारका लागि वीरगन्ज रेफर गरेको छ । घटनाबारे थप अनुसन्धान भइरहेको जिल्ला प्रहरीका डिएसपी नविन कार्कीले बताए । घटनापछि प्रहरीले सीमा क्षेत्रमा कडाई गरेको छ ।

प्रकाशित : कार्तिक १३, २०७६ २१:०२
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

गुल्मीमा जिप दुर्घटना, २ को मृत्यु, ४ जना घाइते 

माधव अर्याल, घनश्याम गौतम

गुल्मी — गुल्मीको मुसिकोट नगरपालिका–९, ददल्कामा जिप बुधबार बेलुकी दुर्घटना हुँदा २ को मृत्यु भएको छ भने ३ जना घाइते भएका छन् ।

गुल्मीकै वामीटक्सारबाट ददल्का जाँदै गरेको लु १ च ३५१४ नम्बरका पिकअप भ्यान ददल्का काबरोड भन्ने स्थानमा दुर्घटनामा परेको हो । दुर्घटनामा मृत्यु हुनेमा अर्लाङ्कोटका अन्दाजी ७५ वर्षीय रामप्रसाद खरेल रहेका छन् भने अर्का एक जनाको नाम खुल्न सकेको छैन । उनी चालक ज्ञानबहादुर बिककी सासुआमा रहेको स्थानीयले जानकारी दिएका छन् ।

घाइते हुनेहरुमा मुनपा ७ वामीका २३ वर्षीय भानुभक्त पौडेल, ८ वर्षीय सोनीया बिक, बिष्णु बिक रहेका छन् । चालक ज्ञानबहादुर बिक फरार छन् ।

घाइते सोनिया चालककी छोरी र बिष्णु श्रीमती रहेको वडाध्यक्ष नरेशराज खरेलले बताए । घाइतेहरु सबैलाई उपचारका लागि बागलुङको हटिया पठाइएको जिल्ला ट्राफिक प्रहरी कार्यालय गुल्मीका प्रमुख प्रवीण आचार्यले बताए ।

प्रकाशित : कार्तिक १३, २०७६ २०:३५
पूरा पढ्नुहोस्
ADVERTISEMENT
प्रतिक्रिया
पठाउनुहोस्
×