जनकपुरका ‘पान पसले’ आमाडब्लम हिमालको शिखरमा

उनी एक महिना अघि मात्रै हिरो साईकल काँधमा बोकेर सगरमाथा आधारशिविर पुगेका थिए ।

आगामी आरोहण मौसममा साईकल बोकेरै सगरमाथा आरोहण गर्ने उनको लक्ष्य छ । पिक प्रमोशन प्रालिको आरोहण टोलीमा सामेल भई उनले सफलता पूर्वक आमाडब्लम आरोहण गरेका हुन् । सगरमाथा आरोहणको पूर्व तयारीको रुपमा उनले हिमाल आरोहण गरेको बताए ।

आमाडब्लमको दोश्रो शिविरबाट सोमबार साँझ ८ बजे शिखरका लागि उनको टोली अघि बढेको थियो । नौ घण्टापछि शिखर चुम्न सफल भएको पिक प्रमोशन प्रालिका प्रबन्धक आङबाबु शेर्पाले बताए । रन्जितले आमाडब्लमको सफल आरोहण पछि सगरमाथा आरोहण गर्ने आत्मविश्वास थपिएको प्रतिक्रिया दिए ।