बलत्कारकाे आरोपमा अनेरास्ववियूका केन्द्रीय सदस्य इन्द्रहाङ राई जाेरपाटीबाट पक्राउ

जनकराज सापकाेटा

काठमाडौँ — गोकर्ण ६ माकलवारीमा सोमबार साँझ  १८ वार्षीया युवतीमाथी बलत्कार गरेकाे आरोपमा अनेरास्ववियूका केन्द्रीय सदस्य एवं आरआर क्याम्पसका स्ववियू सहसचिव इन्द्रहाङ राईलाई प्रहरीले पक्राउ गरेकाे छ ।

महानगरीय प्रहरी वृत्त बाैद्धले मंगलबार बिहान ६ बजे जाेरपाटीबाट राईलाई पक्राउ गरेकाे हाे।

बाैद्द बृत्तका डिएसपी रमेश सिंहले पीडित किशाेरीकाे किटानी जाहेरीपछि राईलाईपक्राउ गरेकाे बताए। प्रहरीले युवतीकाे स्वास्थ्य परिक्षण गर्न पराेपकार प्रसुती गृह लगेकाे छ।

देउसी खेल्न बाेलाएर राईले बलत्कार गरेकाे किशाेरीले बताएकी छिन्।

प्रकाशित : कार्तिक १२, २०७६ ११:२१
ADVERTISEMENT
प्रतिक्रिया
पठाउनुहोस्

संसारकै लामो दाबी गरिएको ‘सोलुखुम्बु ट्रेल रेस’ सुरु

कुम्भराज राई

(ओखलढुंगा) — संसारकै लामो ट्रेल रेस भनेर दाबी गरिएको ‘सोलुखुम्बु ट्रेल रेस’ को पहिलो संस्करण मंगलबार ओखलढुंगा र सोलुखुम्बुको सिमाना जन्तरधापबाट सुरु भएको छ । ३ सय १० किलोमिटर दूरीको उक्त ट्रेल रेस समुन्द्री सतहदेखि ३ हजार मिटरको उचाइबाट सुरु भएर सगरमाथा आधार शिविर हुँदै फाप्लु आएर टुँगिने आयोजक संस्थाले जनाएको छ ।

धावकहरु मंगलबार बिहान ९ बजे धापबाट अघि बढेका छन्। रेसको औपचारिक उद्घाटन सोलु दुधकुण्ड नगरपालिकाका मेयर नाम्गेलजाङबु शेर्पाले गरे। आयोजक संस्था ‘दी स्मल वल्र्ड’का अध्यक्ष कर्मा शेर्पाका अनुसार सोलुखुम्बुको तल्लो भेगबाट सुरु भएर आधारशिविर पुग सदरमुकाम आइपुगेर रेस समापन हुनेछ।

धावकहरु ४ हजार ६ सय अग्लो पिके पिक, ३ हजार ५ सय मिटर अग्लो लामाजुरा पास गर्दै पर्यटकीय गाउ‘ जुनबेंसी, टाक्सिन्दु गुम्बा, नुम्बुर र करेलुङको फेदमा रहेको पबित्र ताल दूधकुण्डहु‘दै दौडने रुट छ। प्रथम सगरमाथा आरोहीहरु तेन्जिङ नोर्गे र सर एडमण्ड हिलारी हिँडेको ऐतिहासिक पदमार्गलाई पछ्याउ‘दै धावकहरु दौडिने आयोजक संस्थाका अध्यक्ष कर्मा शेर्पाले बताए। रेसमा विदेशी ६५ जना र नेपालका १५ जना सहभागी छन्।

रेसमा सहभागी अधिकांश धावकहरु फ्रान्सबाट आएका छन्। त्यसैगरि बेल्जियम, स्वीजरल्यान्ड लयागतका यूरोपेली देशका धावक सहभागी छन्। यस वर्षको रेसमा चर्चित विन्टर एथलेक्टिस दावा दाछिरी शेर्पा सहभागि भएका छन्। शेर्पाले विन्टर ओलम्पिकमा नेपालको नेतृत्व गरिसकेका छन्। ५ औं पटकसम्म अन्तर्राष्ट्रियस्तरको दौडमा बिजेता बनेका दाछिरी सोलुखुम्बुका हुन्।

दौड पुरा गर्न १५ दिन लाग्नेछ। रेसमा ५ हजार ४ सय मिटर अग्लो सगरमाथाक्षेत्रको रेन्जोला पास, गोक्यो भ्याली, ५ हजार ३ सय ६४ मिटर उचाइमा रहको सगरमाथा आधार शिबिर पुग्नुपर्नेछ। फर्किने क्रममा गोरक्सेप, लोबुचे, फेरीचे, तेङबोचे, नाम्चेबजार, लुक्ला, खरीखोला, नुनथला, टाक्सिन्दु हुँदै फाप्लु आइपुग्नेछन्।



प्रकाशित : कार्तिक १२, २०७६ १०:२३
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT