तनहुँमा फेरी चितुवा नियन्त्रणमा

चितुवाले भानुका वडा नं. १, २, ३ र ४ का बालबालिका, महिला, वृद्धवृद्धालाई त्रासमा पारेपछि स्थानीय सामुदायिक वनले वडा नं ३ मा पर्ने वनमा बाख्रा सहितको काठको खोर बनाएर पासो थापेका थिए । उक्त खोरमा गएराति नै चितुवा परेको प्रमुख बरालले बताएका छन् ।

‘नरभक्षी चितुवालाई फसाउन बनाइएको खोरमा परेको चितुवालाई डिभिजन वन कार्यालय तनहुँका कर्मचारीहरुले नियन्त्रणमा लिईसकेका छन्’, प्रमुख बरालले भने, ‘चितुवालाई राष्ट्रिय प्रकृति संरक्षणकोष चितवन पठाउने तयारी भइरहेको छ ।’

यस्तै, खोरमा परेको चितुवा १२ देखि १४ वर्षको देखिने करिव ८० केजीको भाले चितुवा रहेको उनले बताएका छन् । यसअघि गत असोज १५ गते भानु–२ नारेश्वरटारको सामुदायिक वन क्षेत्रमा बनाइएको खोरमा भाले चितुवा परेको थियो । चितुवा र मानव विच द्वन्द्व बड्दै गएपछि चितुवा प्रभावित वडामा रहेको समुदायिक वन क्षेत्रमा १० वटा परम्परागत काठको खोर बनिरहेको कार्यालयले जनाएको छ ।