स्कुलको बार्दली खस्दा ४२ विद्यार्थी घाइते
काठमाडौँ — काठमाडौंको तारकेश्वर नगरपालिका–३ स्थित विद्याकुञ्ज इङ्लिस बोर्डिङ स्कुलको बार्दली भत्केर खस्दा ४२ विद्यार्थी घाइते भएका छन् । महानगरीय प्रहरी वृत्त बालाजुका अनुसार कक्षा १ देखि ५ सम्म अध्ययनरत विद्यार्थी बार्दलीमा बसेर खेलकुद हेर्दै गर्दा खसेको हो ।
घाइते अधिकांश बालबालिकाको टाउको र हातखुट्टामा चोट लागेको छ । उनीहरूको ग्रिनसिटी अस्पतालमा उपचार भइरहेको छ ।