मतिराले न्याय पाइन्

कान्तिपुर संवाददाता

काठमाडौँ — नक्कली बयान र प्रमाणका भरमा एक वर्षअघि पीडकलाई सफाइ दिएको दोलखा जिल्ला अदालतको एक फैसलालाई उच्च अदालत पाटनले उल्ट्याएको छ ।

दोलखाको बिगु गाउँकी मतिरा खड्का जिसीमाथि उनकै श्रीमान सुन्दर जिसीले २०७४ बैशाख २३ गते गरेको मरणासन्न अवस्थाको कुटपिट घटनामा किटानी जाहेरी र प्रमाणलाई मिचेर जिल्ला अदालतले पीडकलाई सफाइ दिएको थियो ।

पीडित मतिराको नक्कली औंठाछापसहितका आधारलाई प्रमाण मान्दै आएको जिल्लाको फैसलामा चित्त नबुझेर ६ महिनाअघि यो मुद्दालाई पुनरावेदनमा लगिएको थियो ।

‘उच्च अदालतले शुक्रबार गरेको फैसलामा पीडक सुन्दर जिसीलाई ‘कसुरदार ठहर’ गरेको छ,’ महिला आयोगस्थित एक अधिकारीले भने,‘पीडक जीसीलाई के कस्तो सजाय हुनेबारे निर्धारणका लागि छुट्टै पेशी बस्ने भएको छ ।’

मुलुकी अपराध संहिताको व्यवस्थाअनुसार आवश्यक प्रमाणका आडमा बिगतको गलत फैसलाको नजिर सच्याउन उच्च अदालतले यो फैसला सुनाएको हो ।

यो पनि पढ्नुहोस्:
नक्कली बयान : सफाइ नै दुखाइ

प्रकाशित : कार्तिक ४, २०७६ १७:४९
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

सडक खन्ने क्रममा झडप हुँदा ८ घाइते 

तृप्ति शाही

बैतडी — दशरथचन्द नगरपालिका–९ ग्वालेखमा सडक खन्ने क्रममा दुई पक्षबीच झडप भएको छ । सोमबार दिउँसो स्थानीय सडक खन्ने बेला दुई समूहबीच विवाद भइ झडप हुन पुगेको हो ।

एक पक्ष सडक खन्न नदिने पक्षमा भएपछि अर्को पक्षले खन्न भनेपछि झडप भएको जिल्ला प्रहरी प्रमुख प्रहरी नायब उपरीक्षक डिल्लीनारायण पाण्डेयले बताए ।

वडा कार्यालयले सडक खन्नको लागि काम सुरु गर्ने तयारी गरेको थियो उनले बताए । उनले भने , ‘ यो अलि पहिलेबाटै दुई पक्षका स्थानीयबीचको विवाद हो । एक पक्ष सडक खन्ने पक्षमा थियो भने अर्को जमिन परेको भन्दै नखन्न दिनेमा थियो । आज डोजरहरु खन्नको लागि जाँदा विवादै भयो । ’

झडपमा ८ जना घाइते भएका छन् । जसमा ७ पुरुष र १ महिला छन् । उनीहरु सबैको जिल्ला अस्पतालमा उपचार भइरहेको छ । ७ जनाको स्वास्थ्य अवस्था सामान्य रहेपनि एक जनाको गम्भीर भएको अस्पतालले जनाएको छ ।

डोजरमा भने सामान्य क्षति पुगेको प्रहरीले जनाएको छ । घटनाबारे अनुसन्धान भइरहेको प्रहरीले जनाएको छ ।

प्रकाशित : कार्तिक ४, २०७६ १७:३६
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
×