उपनिर्वाचन तयारीको प्रधानमन्त्रीलाई ‘ब्रिफिङ’
काठमाडौँ — मंसिर १४ मा हुने उपनिर्वाचनको तयारीबारे निर्वाचन आयोगले प्रधानमन्त्री केपी शर्मा ओलीलाई आइतबार विस्तृत जानकारी गराएको छ ।
प्रमुख निर्वाचन आयुक्त दिनेशकुमार थपलियासहित आयोग पदाधिकारीहरूले उपनिर्वाचनसम्बन्धी समग्र व्यवस्थापन, मतदाता नामावली, मतदाता परिचयपत्र, सुरक्षा व्यवस्थापन, मुख्य निर्वाचन अधिकृत र निर्वाचन अधिकृतहरूको नियुक्ति लगायतका विषयमा जानकारी गराएका हुन् ।
आयोग प्रवक्ता राजकुमार श्रेष्ठका अनुसार प्रधानमन्त्री ओलीले तयारीप्रति सन्तोष व्यक्त गर्दै सरकारका तर्फबाट आवश्यक सबै सहयोग गर्ने बताएका थिए ।
प्रकाशित : कार्तिक ३, २०७६ १९:२५