तनहुँमा फेरि चितुवाको आक्रमणबाट बालिका घाइते

सम्झना रसाइली

तनहुँ — तनहुँको भानु नगरपालिका–२ बज्गाइटारमा शनिबार साँझ चितुवाको आक्रमणबाट एक बालिका घाइते भएकी छन् ।

घाइते हुनेमा सोही स्थानकी १२ वर्षीय सोनिया अछामी रहेको ईलाका प्रहरी कार्यालय भानु मुकाम डुम्रेका इन्चार्ज दिपेन्द्र श्रेष्ठले जनाएका छन।

आँगनमा खेलिरहेको बेलामा चितुवाले आक्रमण गरी भागेको प्रहरीले जनाएको छ। अछामीलाई डुम्रेस्थित लक्ष्मि हस्पिटलमा सामान्य उपचार गरी चितवन मेडिकल कलेज भरतपुर रिफर गरिएको इन्चार्ज श्रेष्ठले बताए।

यसअघि भानुमा चितुवाको आक्रमणबाट ५ बालबालिकाको मृत्यु र ३ घाइते भएका थिए। नरभंक्षी बन्दै भएको चितुवा नियन्त्रणका लागि चितुवाबाट प्रभावित वडाका सामुदायिक वन क्षेत्रमा पराम्परागत काठको खोर बनाएर बाख्रा सहितको पासो थाप्ने तयारी भैरहेको डिभिजन वन कार्यालय तनहुँका प्रमुख केदार बरालले बताए।

प्रकाशित : कार्तिक २, २०७६ १९:५८
प्रतिक्रिया
पठाउनुहोस्

पोखराका पेट्रोल पम्प खतरामा

कान्तिपुर संवाददाता

कास्की — पोखराको केही पेट्रोल पम्म खतरायुक्त रहेको कास्की प्रहरीले जनाएको छ । पेट्रोल पम्प मानवबस्तीसँगै अझ घरमै रहेकाले कुनै पनि बेला ठूलो दुर्घटना निम्तिन सक्ने प्रहरीको भनाइ छ ।

कास्की प्रहरी प्रमुख एसपी दानबहादुर कार्कीले शुक्रबार पत्रकार सम्मेलनमार्फत यस्तो बताएका हुन् । उनले भने, ‘पोखरका केही पेट्रोल पम्प पम्प नभई एकप्रकारको बमजस्तै भएका छन् । उनका अनुसार नागढुंगा, पृथ्वीचोक र नयाँबजार लगायतमा सडकसँगै जोडिका घरमा पेट्रोल पम्प छन् ।

यसले सडक पेटीमा हिँडेका यात्रु बाटो नपाएर सडकमा हिंडन बाध्य रहेको प्रहरीले जनाएको छ । दुर्घटना हुन नदिनका लागि यसबारे सम्बन्धित निकायले पहल गर्नुपर्नेमा उनले जोड दिए । कतिपय पेट्रोल पम्पमा सुरक्षाका रूपमा फायर फाइटिङसमेत नराखिएको पाइएको प्रहरीले जनाएको छ ।

यसैगरी पोखराका विभिन्न शैक्षिक संस्थासँगैका पसलमा मादक पदार्थ बिक्री–वितरण गरेको पाइएकाले बिक्रीमा प्रतिबन्ध लगाएको प्रहरीले जनाएको छ । पोखरामा चल्ने ट्याक्सीले मिटरमा जान नमानेकाले कारबाही भइरहेको प्रहरीले जनायो । उनले पछिको समयमा सडकमा बसेर माग्नेको संख्या बढेकाले समस्या आएको बताए ।

माग्नेहरू जनकपुर, नेपालगञ्जबाट आएका छन् । केही भारतीय नागरिक छन् । विदेशी पर्यटकसँग पैसा मागेको पाइएकाले समस्या भएको कार्कीले बताए । उनीहरूलाई उद्धार गरी व्यवस्थापनका लागि मानव सेवा आश्रम र बाह्य जिल्लादेखि आएकालाई उनीहरूकै घर पठाइएको छ ।

कौंडाको खालबाट पक्राउ परेका तीन एनआरएनलाई नियमअनुसार चाहिएका बेला हाजिर हुनेगरी जनही ५० हजार रुपैयाँमा छाडिएको प्रहरीले स्वीकारेको छ । १५ जना पक्राउ परेकोमा १२ हिरासतमा रहेका र तीन जनालाई छाडिएको भन्दै कास्की प्रहरीको आलोचना भएको थियो । एनआरएनको निर्वाचनमा मतदान गर्न उनीहरूलाई छाडिएको थियो ।

प्रकाशित : कार्तिक २, २०७६ १९:२७
पूरा पढ्नुहोस्
ADVERTISEMENT
प्रतिक्रिया
पठाउनुहोस्