सुरु भयो अन्तर्राष्ट्रिय आदिवासी जनजाति सम्मेलन
काठमाडौँ — प्रथम अन्तर्राष्ट्रिय आदिवासी जनजाति सम्मेलन काठमाडौंमा सुरु भएको छ । राष्ट्रिय सभागृहमा आयोजित सम्मेलनको जनजाति नेताहरूले परम्परागत बाजागाजा बजाएर शुक्रबार उद्घाटन गरे ।
नेपाल आदिवासी जनजाति महासंघले आयोजना गरेको दुईदिने सम्मेलनमा नेपालसहित १३ देशका दुई सय प्रतिनिधि सहभागी छन् ।
महासंघका अध्यक्ष जगत बरामका अनुसार सम्मेलनमा आदिवासी जनजाति आन्दोलनको समीक्षा र भावी रणनीतिबारे बृहत् छलफल गरी घोषणापत्र जारी गरिनेछ ।
महासंघले संविधान संशोधनको मागसहित सडक संघर्ष गर्दै आएको छ ।
प्रकाशित : कार्तिक १, २०७६ २१:०७प्रतिक्रिया
