सी भ्रमणबारे सञ्चारमन्त्री भन्छन्- ‘सपना योजनामा बदलिए’

कान्तिपुर संवाददाता

काठमाडौँ — सरकारका प्रवक्ता तथा सूचना तथा सञ्चारमन्त्री गोकुल बाँस्कोटाले चीनका राष्ट्रपति सी चिनफिङको भ्रमणबाट नेपालले विगतमा देखेका सपनाहरू योजनामा बदलिएको दाबी गरेका छन् । उनले सीको भ्रमणमा भएका समझदारी र सम्झौताले अथाह सम्भावनाको ढोका खोलेको जिकिर गरे ।

‘हिजोका सपनाहरू योजनामा बदलिएका छन् । यी योजना कार्यान्वयनको तहमा क्रमश: जान्छन्,’ सञ्चार केन्द्र नेपालले सीको भ्रमण उपलब्धिबारे मंगलबार गरेको अन्तर्क्रियामा मन्त्री बाँस्कोटाले भने । सीको भ्रमणमा भएका समझदारी/सम्झौताका कारण केही वर्षभित्र नेपालको अर्थतन्त्र, उत्पादन क्षमता र सामाजिक–आर्थिक रूपान्तरणमा महत्त्वपूर्ण उपलब्धि हासिल हुने मन्त्री बाँस्कोटाको दाबी थियो ।
यो भ्रमणबाट पर्यटन, ऊर्जा, सञ्चार, व्यापार, यातयात, संस्कृतिलगायत सम्पूर्ण क्षेत्रमा चामत्कारिक प्रभाव देखापर्ने उनले बताए । ‘दुवै देशको हात कसिलोसित मिलेको छ,’ उनले भने, ‘यसले ठोस रूपमा केही सन्देश नेपालभित्र र बाहिर विश्वलाई दिएको छ ।’

प्रकाशित : आश्विन २९, २०७६ ०८:००
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

नेकपाको चियापान आज

कान्तिपुर संवाददाता

काठमाडौँ — सत्तारूढ दल नेकपाले चाडपर्वहरूको अवसरमा शुभकामना आदानप्रदानका लागि बुधबार चियापान कार्यक्रम गर्दै छ । 

राजधानीको भृकुटीमण्डपमा हुने चियापानमा १२ देखि ३ बजेसम्म पार्टीका नेता, कार्यकर्ता तथा सर्वसाधारणलाई नेकपाले आमन्त्रण गरेको छ । त्यस्तै अपराह्न ३ देखि ५ बजेसम्म विभिन्न राजनीतिक दलका नेता, मन्त्री, सांसद, संवैधानिक अंगका पदाधिकारी, नेपालस्थित कूटनीतिक नियोगका प्रमुख तथा प्रतिनिधि, सरकारका उच्चपदस्थ पदाधिकारी, सेवा निवृत्त पदाधिकारीलगायतलाई आमन्त्रण गरेको छ ।

नेकपाले हरेक बर्ष बडादसैं, तिहार, नेपाल संवत्, छठलगायतका चाडपर्वका अवसरमा चियापान गर्दै आएको छ ।

प्रकाशित : आश्विन २९, २०७६ ०७:५८
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
×