एसिड पीडित मुस्कानले १२ कक्षासम्म नि:शुल्क पढ्न पाउने- समाचार - कान्तिपुर समाचार
कान्तिपुर वेबसाईट
AdvertisementAdvertisement

एसिड पीडित मुस्कानले १२ कक्षासम्म नि:शुल्क पढ्न पाउने

कान्तिपुर संवाददाता

काठमाडौँ — एसिड प्रहारबाट घाइते भएकी छपकैया-२ की १४ वर्षीया मुस्कान खातुनलाई मुस्लिम आयोगका अध्यक्ष समिम मियाँ अन्सारीले कक्षा १२ सम्म पढाइदिने भएका छन् ।

कीर्तिपुरमा उपचार गराइरहेकी खातुनलाई भेट्न मंगलबार अस्पताल पुगेका अध्यक्ष अन्सारीले व्यक्तिगत रुपमा कक्षा १२ सम्मको सम्पुर्ण पढाइ खर्च व्यहोर्ने बताए । उनले खातुनलाई सान्त्वना दिँदै सरकार समक्ष घटनामा संलग्नलाई कडाभन्दा कडा कारबाहीको माग राखेका छन् ।


मुस्कान वीरगन्ज नगरपालिकास्थित त्रिभुवन उच्च मावि कक्षा ९ मा अध्ययनरत छिन् । उनलाई दुईजना युवकले वीरगन्जस्थित गणेशमान चोक जाने गल्लीमा गत भाद्र २० गते बिहानै एसिड प्रहार गर्दा घाइते भएकी थिइन् । उनलाई स्थानीय अस्पतालमा प्रारम्भिक उपचार गरेर राजधानी ल्याइएको थियो ।


मुस्कानलाई नायक राजेश हमाल,पूर्व मिस नेपाल श्रृंखला खतिवडा लगायतका कलाकारहरुले अस्पतालमै पुगेर प्रेरणा दिएका थिए । यस्तै, बलिउड अभिनेता अमिताभ बच्चन लगायतका कलाकारहरुले पनि भिडियो म्यासेज मार्फत् मुस्कानको स्वास्थ्यलाभको कामना गरेका थिए ।

प्रकाशित : आश्विन २८, २०७६ १७:४१
प्रतिक्रिया
पठाउनुहोस्

महरालाई थप ३ दिन हिरासतमा राख्न अनुमति

मातृका दाहाल, कृष्ण ज्ञवाली

काठमाडौँ — बलात्कारको आरोप लागेका निवर्तमान सभामुख कृष्णबहादुर महरालाई १३ दिन हिरासतमा राखेर आरोपमाथि अनुसन्धान गर्न काठमाडौं जिल्ला अदालतले आदेश दिएको छ । १३ दिनको म्याद पक्राउ परेको दिनदेखि नै गनिने छ। अब महरालाई थप ३ दिन हिरासतमा राखिनेछ । असोज १९ गते पक्राउ परेका महरालाई मंगलबार अदालत उपस्थित गराइएको थियो । महानगरीय प्रहरी परिसर काठमाडौंका प्रवक्ता डिएसपी होविन्द्र बोगटीले अदालतबाट महरालाई ३ दिन थुन्न अनुमति पाएको जानकारी दिए ।

सरकारी कार्यालय बिदा भएकोले पक्राउ परेको १० दिनसम्म उनलाई प्रहरीले अदालतमा उपस्थित गराएको थिएन । मंगलबार दिएको १३ दिनको समयमध्ये पक्राउ परेयताको १० दिन र बाँकी ३ दिन पनि जोडिने छ । महराको पक्षमा वरिष्ठ अधिवक्ता एवं पूर्व महान्यायाधिवक्ता रमण श्रेष्ठसहितका वकिलले बहस गरेका थिए ।

जसअनुसार उनी शुक्रबारसम्म हिरासतमा रहनेछन् । यो अवधिमा महरासँग आरोपमाथि प्रहरीले बयान लिनेछ । प्रहरीले त्रिवि शिक्षण अस्पतालमा पीडित रोशनी शाही र आरोपित महराको फरेन्सिक जाँच गराइसकेको छ । महरासँगको बयान र फरेन्सिका जाँचको प्रतिवेदनको आधारमा अनुसन्धान प्रतिवेदन तयार पार्ने प्रहरीको तयारी छ ।

आगामी ३ दिनसम्म पनि अनुसन्धान नसकिए महरालाई फेरि अदालतमै उपस्थित गराएर म्याद थप गरिने छ ।

प्रकाशित : आश्विन २८, २०७६ १७:०५
पूरा पढ्नुहोस्
प्रतिक्रिया
पठाउनुहोस्
×