बोलेको कुरालाई ठिक उल्टो अर्थ दिनेगरी युट्युबमा नराखौं : पूर्व राजदूत मास्के

कान्तिपुर संवाददाता

काठमाडौँ — पूर्व राजदूत महेश मास्केले लिपुलेक सम्बन्धमा आफूले बोलेको कुरालाई उल्टो अर्थ दिनेगरी उत्तेजक शीर्षक बनाएर युट्युबमा राखिएको भन्दै आपत्ति जनाएका छन् । सोमबार एक प्रेस विज्ञप्ति निकाल्दै उनले युट्युबमा राखिएको शीर्षक पढेर पाठकहरुलाई टिप्पणी नगर्न आग्रह गर्दै पुरा अन्तर्वार्ता हेरेर टिप्पणी गर्न आग्रह गरेका हुन् ।

ZenTravel

उनले लिपुलेक संवेदनशील विषय रहेको र दुई छिमेकी देशहरुसँग वार्ता गरेर त्यसलाई टुंग्याउनुपर्ने कुटनीतिक चुनौती नेपालको अगाडि रहेको बताए। उनले तथ्यमा टेकेर दस्तावेजको आधारमा संवाद गरे मात्र त्यसो गर्न सम्भव छ भन्ने अभिव्यक्ति दिएको बताए।

Meroghar

यस्तै मास्केले नेपालको पश्चिमी सीमाबारे नेपालकै आधिकारिक धारणा प्रष्ट नभएको बताए। उनले पश्चिमी सीमालाई प्रस्ट नपारी नेपालले अन्य मुलकसँग अडेर कुरा गर्न नसक्ने बताए।

विज्ञप्तिमा मास्केले भनेका छन्,' पश्चिम सीमाका तीन वटा नक्सा छन्। सुगौली सन्धिले दिएको नक्सा र ब्रिटिस भारतको पालामा नै किर्ते गरेर सीमा सारिएको अन्य दुई नक्सा। सुगौली सन्धिले किटान गरेको नक्सा मात्रै अधिकारिक र कानूनी हैसियत राख्छ भन्ने विज्ञहरुको र मेरो पनि मान्यता हो। '

उनले उक्त नक्सा अनुसार लिपुलेक नेपाल र चीनबीचको द्विदेशीय सीमा बिन्दु रहेको र नेपाल,भारत र चीनबीचको त्रिदेशीय सीमा बिन्दु होइन भन्ने तर्क आफूले गरेको बताएका छन्।

सुगौली सन्धि अनुसार लिम्पियाधुरा त्रिदेशीय सीमाबिन्दु रहेको र अहिलेको नेपालको नक्सा लिपुलेकबाट बगेर आएको लिपुखोलालाई काली नदीको शीर मान्ने नक्सा भएको र यसले लिपुलेकलाई त्रिदेशीय सीमा बिन्दु मान्ने तर त्यसको आधिकारिकता बारे प्रश्न चिन्ह रहेको मास्केले उल्लेख गरेका छन्।

प्रकाशित : आश्विन २७, २०७६ १५:०२
ADVERTISEMENT
प्रतिक्रिया
पठाउनुहोस्

जिप दुर्घटनामा तीन घाइते

विप्लव महर्जन

सल्यान — बाग्चौर नगरपालिकाको थारमारेबाट दार्मा गाउँपालिकाको फारुला जाँदै गरेको लु २ च १६७२ नम्बरको जिप आइतबार बेलुकी फारुला नजिकै दुर्घटना हुँदा तीन जना घाइते भएका छन् ।

घाइते हुनेमा दार्मा गाउँपालिका-३ दबाङ्गकी चम्फा आली,करुना रोकाय र कमला रोकाय छन् । उनीहरुको जिल्ला अस्पताल सल्यानमा उपचार भइरहेको इप्रका फारुलाका सहायक प्रहरी निरीक्षक जनक भण्डारीले जानकारी गराएका छन् । उकालोमा गुडिरहेको गाडी ब्रेक फेल भएर पछाडि ब्याक हुँदा सडकको भित्तामा ठोक्किएर दुर्घटनामा परेको उनको भनाई छ ।

प्रकाशित : आश्विन २७, २०७६ १४:४९
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT
×