श्रीमानको कुटाइबाट मृत्यु

रोजगारीको लागि भारतमा रहेका थापा दसैं मनाउन गत असोज २१ गते घर फर्केका थिए । घर फर्केकै दिन श्रीमतीलाई पर पुरुषसँग भेटेपछि धिरेन्द्रले कुटपिट गरेका थिए ।

२४ गते मात्रै घटनाको विषयमा प्रहरीलाई जानकारी भएपछि घाइते जानकीलाई प्रहरीको सहयोगमा नेपालगन्जमा उपचारका लागि पठाइएको थियो ।

नेपालगन्जबाट उपचार गराएर घर फर्केकी उनको टाउको र शरीरका विभिन्न भागमा चोट देखिएको थियो । अवस्था थप जटिल बन्दै गएपछि पुनः उपचारका लागि लम्कीस्थित अस्पतालमा भर्ना गरिएको थियो । त्यहाँबाट पनि थप उपचारका लागि सेती प्रादेशिक अस्पताल धनगढी लैजाने क्रममा आइतबार दिउँसो जानकीको बाटोमै मृत्यु भएको प्रहरीले जनाएको छ ।

जानकीका श्रीमान धिरेन्द्रलाई इलाका प्रहरी कार्यालय लम्कीले नियन्त्रणमा लिएको छ ।