मंगलबार महरालाई अस्पतालबाटै अदालत लगिने

मातृका दाहाल

काठमाडौँ — बलात्कारको आरोप लागेका निवर्तमान सभामुख कृष्णबहादुर महरालाई मंगलबार काठमाडौं जिल्ला अदालत लगिने भएको छ । थुनामा राखेर थप अनुसनधानको गर्न म्याद थपका लागि महरालाई अदालत हाजिर गराउन लागिएको काठमाडौं प्रहरी परिसर प्रमुख एसएसपी उत्तम सुवेदीले बताए । 

जिल्ला अदालत काठमाडौंले गत १९ गते पक्राउ पूर्जी जारी गर्दै महरालाई पक्राउ गर्न बाटो खोलेको थियो । सोही पक्राउ पूर्जीको आधारमा सभामुख निवास वालुवाटारबाट प्रहरीले महरालाई पक्राउ गरेर हिरासतमा राखेको छ । महरालाई थुनामा राख‍ेर अनुसन्धान गर्न प्रहरीलाई बाटो खुलेपनि दसैं बिदा र विभिन्न सार्वजनिक बिदाका कारण अदालत उपस्थित गराउन सकिएको थिएन । मंगलबार अदालतमा उपस्थति गराएर म्याद थप्ने प्रहरी तयारी छ ।


प्रहरीले आज महरालाई अदालत लैजाने तयारी गरेपनि देशैभरका अदालत बन्द भएपछि मंगलबार अदालत हाजिर गर्न लागिएको जनाएको छ । सोमबार पूर्व प्रधानन्यायाधीश केशवप्रसाद उपाध्यायको निधनको शोकमा अदालत बन्द गरिएको छ ।


अहिले महरा नर्भिक अस्पतालमा उपचाररत छन् । उनलनाई २३ गते मुटु र स्वासप्रस्वासमा समस्या देखिएपछि थापाथलीस्थित नर्भिक अन्तर्राष्ट्रिय अस्पतालमा भर्ना गरिएको थियो । अस्पतालबाटै महरालाई अदालत लगिने एसएसपी सुवेदीले बताए ।

प्रकाशित : आश्विन २७, २०७६ १३:४८
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

मनकामनामा कुकुर आतंक 

कान्तिपुर संवाददाता

गोरखा — सहीद लखन गाउँपालिकास्थित मनकामनामा भुस्याहा कुकुर आतंक बढेको छ । सोमबार मात्र दुई भक्तजन र एक स्थानीयलाई कुकुरले टोकेपछि स्थानीय त्रसित बनेका छन् ।


तीन दिनको अन्तरालमा सात जना स्थानीयलाई कुकुरले टोकेको स्थानीयहरुले बताए । ‘मन्दिर आसपासमै २०/३० वटा कुकुर छन् । ती मध्ये खैरो एउटा कुकुरले र्‍याल चुहाउँदै मान्छे जथाभावी टोक्न थाल्यो,’ स्थानीय नरेन्द्र जोशीले भने ।

कुकुर नियन्त्रणमा लिन प्रहरीलाई भनिएको उनले बताए । सोमबार बिहानैदेखि उक्त कुकुर नियन्त्रणका लागि खोजी भइरहेको छ । रेविजको आशंका गरिएको उक्त खैरो कुकुरको अन्यसँग पनि लसपस भएको हुनसक्ने स्थानीय बताउँछन् ।

‘भुस्याहा र घर पालुवा छुट्टाएर ब्यवस्थापन गर्नुपर्ने छ,’ उनले भने । स्थानीय मेडिकलमा केही दिनयता दिनदिनै कुकुरले टोकेको समस्या लिएर आउने गरेको स्थानीय मेडिकल सञ्चालक जित बहादुर क्षेत्रीले बताए ।

प्रकाशित : आश्विन २७, २०७६ १३:१५
पूरा पढ्नुहोस्
ADVERTISEMENT
प्रतिक्रिया
पठाउनुहोस्
×