सिन्धुपाल्चोक बस दुर्घटना : काठमाडौंको ट्रमा सेन्टरमा उपचाररत मध्ये ४ को अवस्था गम्भिर

फातिमा बानु, तस्बिर : सन्जोग मानन्धर

काठमाडौँ — सिन्धुपाल्चोक बस दुर्घटनामा परेर ट्रमा सेन्टर ल्याइएकामध्ये ४ को अवस्था गम्भिर र ९ जनाको अवस्था सामान्य छ । शुक्रबार साँझसम्म घाइतेहरूलाई ट्रमा सेन्टरको आकस्मिक कक्षमा राखेर उपचार गरिएको छ । ट्रमामा उपचारका लागि भर्ना भएका घाइतेमा ८ जना महिला र ५ जना पुरुष छन् ।

ZenTravel

एकजना बालक पनि यहीँ उपचाररत छन् । गम्भिर घाइते हुनेमा १९ वर्षिया मञ्जु तामाङ, २२ वर्षिया अञ्जु लामा र उमेर नखुलेकी सल्फु श्रेष्ठ छन् ।

उनीहरूलाई घटनास्थलबाट शुक्रबार दिउँसो १ बजे ट्रमा सेन्टर पुर्‍याइएको थियो ।

घाइतेको टाउको, खुट्टा र मेरुदण्डमा गम्भिर चोट लागेको शल्यक्रिया पनि गर्नुपर्ने अस्पतालका सूचना अधिकारी अर्जून भेटवालले बताए । ‘घाइतेको पहिले इमर्जेन्सीबाट उपचार गरिन्छ । रगत, सिटी र अन्य रिर्पोट आएपछि आईसीयू लगायत अन्य कक्षमा सारिन्छ,’ उनले भने ।

ट्रमा सेन्टरका चार आईसीयू चिनिया भिभिआईपीका लागि खाली गरेर तयारी अवस्थामा राखिएकाले घाइतेलाई आईसीयू पाउन मुस्किल छ । आवश्यक परे घाइतका लागि ती आईसीयू पाउन मुस्किल छ । आवश्यक परे घाइतका लागि ती प्रयोग गरिने भेटवालले बताए । अहिलेको लागि घाइतेहरू सबैको उपचार निशुल्क गरिएको अस्पतालले जनाएको छ ।

प्रकाशित : आश्विन २४, २०७६ १९:३१
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

सीलाई चेन्नईमा ‘रेडकार्पेट’

(एजेन्सी)

चेन्नई — दुईदिने भ्रमणका क्रममा चेन्नई पुगेका चिनियाँ राष्ट्रपति सी चिनफिङलाई भारतले भव्य स्वागत गरेको छ । शुक्रबार चेन्नईस्थित विमानस्थलमा उत्रेका राष्ट्रपति सीलाई गभर्नर बनवरीलाल पुरोहित र उपमुख्यमन्त्री ओ पन्नेरसेल्भमले स्वागत गरेका हुन् । त्यलगत्तै उनलाई चेन्नईको तटीय सहर ममल्लापुरम लगिएको थियो ।

भारतको प्राचीन सहर ममल्लापुरमको चीनको फुजियान प्रान्तसँग पुरानो सम्बन्ध रहेको बताइन्छ ।

सी र भारतीय प्रधानमन्त्री नरेन्द्र मोदीबीच चेन्नईमा अनौपचारिक शिखर सम्मेलन हुँदैछ । विमानस्थलमा अवतरण गरेको केही समयमै ट्वीट गर्दै मोदीले सीलाई स्वागत गरेका थिए । उनले ट्वीटरमा लेखेका थिए, ‘महामहिम राष्ट्रपति, भारतमा स्वागत छ ।’

दुई नेताबीचको बैठकलाई गत वर्ष चीनको वुहानमा भएको अनौपचारिक बैठकको निरन्तरता ठानिएको छ । भारत र चीनबीच सीमा विवादको ७३ दिन लामो घम्साघम्सीपछि सन् २०१८ को अप्रिलमा मोदी र सीबीच चीनको वुहानमा वार्ता भएको थियो ।

तर यसपटकको वार्ता कश्मीर विवादमा केन्द्रित हुने ठानिएको छ । गत अगस्टमा मोदीले भारत प्रशासित कश्मीरको संवैधानिक हैसियत बदल्ने निर्णय लिएपश्चात् भारत र पाकिस्तानबीचको विवाद उत्कर्षमा छ । भारतको उक्त कदमप्रति चीन पनि असन्तुष्ट रहेको छ ।

यसै साताको सुरुमा चीनले भारत र पाकिस्तानलाई वार्तामार्फत कश्मीर विवाद अन्त्य गर्न आह्वान गरेको थियो । त्यसको प्रतिक्रियामा भारतले आफ्नो आन्तरिक मामिलामा हस्तक्षेप नगर्न चीनलाई सुझाव दिएको थियो । यस पटक दुवै नेताहरू द्विदेशीय आर्थिक सम्बन्ध बढाउने तथा आपसी मतभेद अन्त्य गर्ने अपेक्षाका साथ वार्तामा बसेका छन् ।

भारत भ्रमणमा आउनुअघि सीले बेइजिङमा पाकिस्तानी प्रधानमन्त्री इमरान खानसँग समेत भेटवार्ता गरेका थिए । भेटमा चीनले कश्मीर मुद्दा विवादित विषय भएकाले राष्ट्रसंघीय बडापत्र, सुरक्षा परिषद्द्वारा स्वीकृत प्रस्ताव तथा द्विपक्षीय सम्झौताका आधारमा यसको समाधान शान्तिपूर्ण ढंगबाट गर्नुपर्ने बताएको थियो ।

प्रकाशित : आश्विन २४, २०७६ १९:२७
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
×