डण्डामा बस र जिप एकआपसमा ठोकिँदा एकको मृत्यु , ८ घाइते
नवलपरासी — महेन्द्रराजमार्गको डण्डामा बस र जिप एकआपसमा ठोकिँदा नवलपरासी जमुनियाका बलियार सुनारको घटनास्थलमै मृत्यु भएको छ भने ८ जना घाइते भएका छन् ।
जिल्ला प्रहरी कार्यालय पुर्वी नवलपरासीका अनुसार बिहिवार बिहान काठमाडौंबाट सुर्खेत हिँडेको बस र बुटवलतर्फ हिडेँको बलेरो गाडी डण्डा नजिक जुधेको हो । दुर्घटनामा घाइतेहरुको स्थानीय अस्पतालमा उपचार गरिएको छ । घाइतेहरु खतरामुक्त रहेको प्रहरीले जानकारी दिएको छ ।
राति पौने एक बजे भएको दुर्घटना सडकमा उछिन्न खोज्दा भएको देखिएको प्रहरीले जनायो ।