दुर्गा मूर्ति विसर्जनको रौनक (फोटोफिचर)
कपिलवस्तु — दसैंका बेला कपिलवस्तु जिल्लाका विभिन्न स्थानमा राखिएका बडेमानका दुर्गा मूर्तिहरु बुधबार विसर्जन गरिएको छ । कही घटस्थापनाका दिनदेखि कही सप्तमीका दिनदेखि श्रद्धालु भक्तजनले दुर्गा मूर्ति स्थापना गरेका थिए ।
कपिलवस्तु नगरपालिकाको १४ वटै वार्डमा दुर्गा मूर्ति रामघाट र जमुवार खोलमा सेलाईएको छ । त्यस्तै वाणगंगा नगरपालिकामा राखिएको दुर्गा मूर्ति लक्ष्मणघाटमा सेलाईएको छ । कृष्णनगरमा राखिएको दुर्गा मूर्ति सुरही खोलामा सेलाईएको छ । बाजागाजा र धार्मिक गीत बजाई नाच्दै जिल्लामा डेढ सय बढी दुर्गा मूर्ति सेलाईएको थियो । दुर्गा भवानीसँगै राक्षश, बाघ, गणेश, लक्ष्मी, सरस्वती, शिव र कार्तिके लगायत भागवानका मूर्ति पनि विसर्जन गरिएको थियो ।