लोकमार्गको पर्खाइमा ओलाङचुङगोलाका स्थानीय

आनन्द गौतम

ताप्लेजुङ — गाउँशहर सबैतिर दसैंको चटारो छ । दसैंको टिका लगाउनेहरु त्यसैको तयारीमा छन् । टिका लगाउने नलगाउने  सबैले खाद्यका परिकार भित्र्याएका छन । गाउँभरीको सडक सफा गरेर चिटिक्क बनाएका छन् । आफ्ना नानीहरुलाइ नया कपडा किनिदिएका छन् । शेर्पा समुदायको मात्रै वसोवास रहेको फक्ताङलुङ गाउँपालिका ७ ओलाङचुङगोलाका बासिन्दाको दिनचर्याभने फरक छ । 

ZenTravel

दसैंमा टिका नलगाउने उनिहरुले सञ्चार माध्यमवाट सुनेरैपनि दसैंको उत्सव मनाइरहेका छन । टोल बस्ति सफा पारेका छन् । मासु लगायतका खाद्य परिकार भित्र्याएका छन । तर, दैनिकी भने सडकतिर छ ।

Meroghar


यतिवेला ओलाङचुङगोलावाट सदरमुकाम फुङलिङ तर्फ सडक बिस्तारको काम भइरहेको छ । दुइवटा स्काइभेटर मेशिन लिएर आएका चाइनिजहरु विहान उज्यालो हुँदादेखि साँझसम्म सडकको ट्रयाक खोलिरहेका छन् । सडक ठिक बस्तिबाट अगाडि बढिरहेकाले यहाका नागरिकको दैनिकि यहि मेशिनको अघिपछि छ । पुरुषहरु चौंरी धपाउँदै मेशिनतिरै हुन्छन् । महिलाहरुपनि काखमा नानी च्यापेर त्यसैको वरिपरि घुम्छन् ।

दुई वर्षअघि मात्रै चिनको तिब्बतवाट बस्तिसम्म आइपुगेको सडकमा यहाका नागरिकले लगानी गरेका थिए । ओलाङलुङगोलामा जन्मेर देसविदेसमा रहेकाहरुले संकलन गरेको तीन करोड रुपैयाँबाट २४ किलोमिटर ट्रयाक खोलिएको थियो । त्यहि सडकमा तिब्बतवाट पटक/पटक साना गाडि आए । गाउँका पहुँच भएकाहरु त्यही गाडि चढेर तिब्बत पुगे । तिब्बत प्रशासनका प्रमुखहरु ओलाङचुङगोलासम्म गाडिमै चढेर धेरै पटक आए । तर, सर्बसाधारण नागरिकको पहुँचमा यातायात पुगेको छैन । किनकी आफ्नै जिल्लाको सदरमुकाम सडकले जोडिएको छैन ।

सडक बिभागवाट ट्रयाक खोल्ने जिम्मेवारी पाएको काठमाण्डौको एसडि एलाइट कम्पनिले यहि हप्तादेखि ओलाङचुङगोलावाट लेलेप तर्फपनि ट्रयाक खोल्न सुरु गरेको छ । लेलेपवाट ओलाङचुङगोला तर्फ गतवर्ष देखि नै बिस्तार गरिरहेको छ । ठेकदार कम्पनिका पेम्वा शेर्पाका अनुसार लेलेपवाट ओलाङचुङगोला जोडिन अव २१ किलोमिटर मात्रै बाँकि छ । यस्कालागि चीनत्राट मेशिन र जनशत्ति भाडामा लिएर दुइतिरत्राट काम सुरु गरिएको हो ।

ओलाङचुङगोलावाट काम सुरु गरेको मेशिनले लेलेप जोड्ने सिसेवा सम्मको १५ किलोमिटर ट्रयाक खोल्ने सडकको नियमन गर्ने सरकारी निकाय उत्तर दक्षिण लोकमार्ग आयोजनाका प्रमुख रामवहादुर गुरुङ वताउँछन । सिसेवासम्म लेलेपवाट विस्तार गरिरहेको एलाइटको मेशिनले पुर्‍याउने छ । लेलेप तर्फवाट सिसेवा पुग्न अव ७ किलोमिटर मात्रै छ ।

सिसेवामा ओलाङचुङ र लेलेपलाइ तमोर नदीले छुट्याएको छ । यहि आर्थिक वर्षमा सक्नेगरी दुइतिरैवाट विस्तारको काम भइरहेको गुरुङले वताए । फक्ताङलुङ गाउँपालिकाको केन्द्र तापेथोकको रानीपुलदेखि एलाइटले विस्तारको काम गतवर्षवाट सुरु गरेको हो । उस्ले यहाँ चार वटा ठुला मेशिन लगाएर विस्तारको काम गरिरहेको छ ।

ओलाङचुङगोला निवासि फक्ताङलुङ गाउँपालिकाका प्रबत्ता छेतेन वालुङ गाउँलेको तनमन सडकले सदरमुकाम जोडिने विषयसँग रहेको वताउँछन । ‘अहिलेत सबैको गफ सडककै विषयमा हुन्छ,’ उनले भने, ‘सडक जोडिएपछि कम्तिमा भारी बोकेर त हिड्नु पर्दैन भन्ने अभिलासा सबैको छ ।’ सडक जोड्नकालागि गाउँपालिका अध्यक्ष सरोज एभेङको दौडधुपनि त्यत्तिकै छ । कहिले छिमेकी तिब्बत त कहिले आफ्नै देसको सिंहदरवार पुग्ने गरेका छन् ।

तिब्बतबाट मेशिन र जनशत्ति भाडामा लिनकालागि नेपाल सरकारको सिफारिस पुगेका एभेङ मेशिनसँग सम्झौतागर्न तिब्बत पुगेका थिए । लोकमार्ग आयोजनाले दसैंमा सकिनेगरि तीन किलोमिटरको सर्भे रिदिएको छ । बाँकि तत्काल सर्भे गर्ने र काम बढाउने आयोजनाले जनाएको छ ।

प्रकाशित : आश्विन २०, २०७६ १५:०३
प्रतिक्रिया
पठाउनुहोस्

राँगो मार हान्न २ लाख ८८ हजारको बोलकबोल

घनश्याम खडका

म्याग्दी — रघुगंगा गाउँपालिका–२ भगवती कोट मन्दीरमा बली चढाईने सरकारी राँगो मार हन्न (काट्न) दुई लाख ८८ हजार बोलकबोल भएको छ । नाङ्नागेका रामप्रसाद खत्रीले राखुभगवती कोट मन्दीरमा नवदुर्गालाई बली चढाईने राँगो मार हान्न यती ठूलो रकम बोलकबोल गरेका हुन् ।

गत वर्षपनि खत्रीले १ लाख ६५ हजार बोलकबोल गरी राँगो मार हान्न पछ्याएका थिए । खत्रीले गत वर्षभन्दा थप एक लाखबढी रकम बोलकबोल गरी यो वर्षको राँगो मार हान्न अगाडि सरेका हुन । नवमीको दिन बली दिईने राँगो मार हान्ने व्यक्तिले कालरात्रीको राति कोटमन्दीरमा भेला भएका हजारौं सर्वसाधारणको बिचमा खुल्ला बोलकबोल गरिन्छ ।

‘यो यस क्षेत्रकै एतिहाँसिक कोट मन्दीर हो । यहाँको सरकारी राँगो काटेपछि मनले आँटेको पुग्छ भन्ने जनविश्वास भएकोले दुर्गाभगवतीलाई बली चढाइने राँगो मार हान्न ठूलो हानथाप नै हुन्छ,’ जिल्ला समवन्य समितिका संयोजक समेत रहेका स्थानीय देवेन्द्रबहादुर केसीले भने, ‘बाइसे/चौबिसे राज्यकालदेखी यहाँको कोटमन्दीरमा बढीबढाउ गरी राँगो हान्ने (काट्ने) चलन छ ।’

खत्रीलाई ८ जना प्रतिस्पर्धीले दुई लाख ८५ हजार रुपैयाँसम्म पछ्याएका थिए । खत्रीले नवमीको मार हान्ने समयअघि तोकिएको पैसा कोट मन्दीर ब्यवस्थापन समितिलाई तिर्नुपर्ने हुन्छ ।

५–७ सय वर्षअघि रुईसेमा रहेको देखी २२ से २४ से राज्यकालमा तत्कालिन राजाले स्थापना गरेको यस कोटमन्दीर रघुगंगा गाउँपालिकाको (साविकका चिमखोला, दर्मिजा, दग्नाम, मौवाफाँट, पिप्ले, भगवती, वेग र दोवा गाविस) साझा मन्दीरको रुपमा रहेको छ । जिल्लामा ‘धजाअक्षेता’ शिर्षकमा सरकारी खर्च आउने यो एक मात्र कोटमन्दीर हो । गुठी संस्थानले मालपोत कार्यालय मार्फत हरेक वर्षको दशैंमा ‘धजाअक्षेता’ खर्च पठाउने गरेको छ ।

तत्कालिन राजा गिर्वाणयुद्ध विक्रम शाहकी रानी सूवर्णप्रभा तीर्थाटनका लागि मुक्तिनाथ आउँदा मुक्तिनाथ मन्दिरको नियमित पूजा सञ्चालनार्थ म्याग्दीको राखु पिप्ले, भगवती, मौवाफाँट, कटुवाल थर र दोवामा २८ हजार ८ सय ९३ रोपनी ९ आना,एक पैसा, एक दाम क्षेत्रफलको जग्गा गुठी राखी राखेका सुवेदीहरुलाई सदाका लागि मुक्तिनाथ मन्दिरका पूजारी तोकी दिएकी थिइन ।

सोही समयदेखी यहाँको भगवती कोट मन्दीरमा पनि पुजा संञ्चालन खर्च आउने थोको हो । पछिल्ला वर्ष गुठी संस्थालन धजाअक्षेता खर्च भनी तीन हजार पठाउने गरेको छ ।

प्रकाशित : आश्विन २०, २०७६ १४:५४
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
×