महाष्टमीको दिन हजारौं महिलाले भरे भगवतीको खोंईछ

राति १२ बजेदेखि प्रसाद चढाउने क्रम सुरु भएको थियो जो मध्यान्ह १ बजेसम्म पनि जारी छ । प्रसाद चढाउनेहरुको लाम अझै पनि झण्डै एककिलोमीटर लामो छ । अपरान्ह ३ बजेसम्म प्रसाद चढाउने क्रम जारी रहने पूजा आयोजक महावीर युवा कमिटीका पूर्व अध्यक्ष विनोद चौधरीले जनाएका छन् ।

उता शनिबार रातिदेखि सुरु भएको खोंईछ भर्ने क्रम अझै पनि जारी छ । राजदेवी मन्दिरसंगै अन्य शक्तिपीठ तथा दुर्गा पूजास्थलहरुमा महिलाहरु खोंईछ भर्छन् । माईत आएकी चेली जस्तै महिलाहरु पान,सुपारी,मिष्ठान्न,फल फूल,कपडा तथा सृंगारका सामानहरु भगवतीलाई चढाउँछन् । मिथिलाञ्चलमा खोईछ भर्ने विधि अत्यन्तै लोकप्रिय छ ।

प्रसाद चढाउने तथा खोईछ भर्ने श्रद्धालुहरुको कारण अचेल जनकपुरका शक्तिपीठहरु भरि भराउ छन् ।

पूजा आयोजक महावीर युवा कमिटीका पूर्व अध्यक्ष चौधरीका अनुसार सन्ध्या सात वजेदेखि बोका बली सुरु हुन्छ । राजदेवी मन्दिरमा यस वर्ष १६ हजार अधिक बोका बलि प्रदान हुने चौधरीको दावी छ । गत वर्ष लगभग १५हजार बोका बली प्रदान गरिएको थियो ।

प्रसाद, खोईछ भराई तथा बोका बलीको व्यवस्थापनको लागी स्थानीय महावीर युवा कमिट, रामयुवा कमिटीलगायतका युवा संघ संस्थाहरुले एक हजार स्वयंसेवक परिचालन गरेको छ ।