नेकपाको चियापानमा १ लाखलाई निम्तो
काठमाडौँ — नेकपाले चाडपर्वको शुभकामना आदानप्रदानका लागि असोज २९ गते चियापान कार्यक्रम गर्ने भएको छ ।
चियापानको तयारीमा लागि आइतबार महासचिव विष्णु पौडेल सहितको बैठक बसेको थियो । बैठकले एक लाख भन्दा बढीलाई व्यक्तिगत रुपमै निमन्त्रणा कार्ड पठाउने तय गरेको छ ।
राजधानीको भृकुटीमण्डपमा दिउसो १२ देखि ५ बजे सम्म हुने कार्यक्रममा राजनीतिक दल, कुटनीतिक नियोग, पार्टी नेता कार्यकर्ता, कर्मचारी, नेपाली, सेना, प्रहरी, कलाकार, सस्कृतिकर्मी, लेखक पत्रकार लगायत सर्वसाधारणलाई सार्वजनिक निम्तो गरिने नेकपाले जनाएको छ ।
नेकपाले हरेक बर्ष दशैतिहार, छठ, नेपाल संम्वत्, इद, ल्होसार लगायतका चाडपर्वमा शुभकामना आदानप्रदान गर्न चियापान गर्दै आएको छ ।
प्रकाशित : आश्विन १२, २०७६ १९:०८प्रतिक्रिया