जनकपुरबाट १८ किलो चाँदीसहित एकजना पक्राउ*

सन्तोष सिंह

(धनुषा) — जनकपुरबाट सशस्त्र प्रहरीले १८ किलोग्राम चाँदीसहित एकजनालाई पक्राउ गरेको छ । भारततर्फ ज७प ५७७१ नम्बरको मोटरसाइकलमा चाँदी लिएर जाँदै गर्दा महोत्तरी, पिपरा गाउँपालिका–५ का ३० वर्षीय भरतकुमार साहलाई पक्राउ गरिएको सशस्त्र प्रहरी उपरीक्षक राजेश उप्रेतीले बताए ।

ZenTravel

साहलाई जनकपुर उपमहानगरपालिका–२२ बसविट्टीबाट सुनसहित पक्राउ गरीएको हो। शुक्रबार चेकिङको क्रममा साहको साथबाट ५ वटा प्लाष्टिकको पोकामा लुकाइ राखिएको १३ लाख ५० हजार मुल्य बराबरकोचाँदी बरामद भएको प्रहरी उपरीक्षक उप्रेतीले बताए।

Meroghar

चाँदीलिएर भारततर्फ जाँदै गरेका साहलाई पक्राउ गरी थप अनुसन्धानका लागि भन्सार कार्यालय जनकपुरमा बुझाइएको सशस्त्र प्रहरी उपरीक्षक उप्रेतीले बताए।

सच्याइको : यसअघि प्रकाशित समाचारमा चाँदी हुनुपर्नेमा भुलवश अन्यथा हुन गएकोमा सच्याएको छ । त्रुटीका लागि हामी क्षमा प्रार्थी छौं ।

प्रकाशित : आश्विन १०, २०७६ १६:२३
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

भारतीय सवारीलाई भन्सार शुल्क

सन्तोष सिंह

(धनुषा) — भारत दरभंगाका सुनील साह बर्सेनि आफन्तसँग भेट्न जनकपुर आउँछन्  । वर्षमा २/३ पटक मोटरसाइकलमा आउँदा उनलाई खासै झन्झट लागेको थिएन  । उनी ५/७ दिन बसेर फर्किने गर्थे ।

तर, सोमबार नेपाल प्रवेश गर्दा उनी चकित परे । धनुषा, लगमा–जटही छोटी भन्सार कार्यालयमा दुई दिनका लागि ३ सय रुपैयाँ भन्सार शुल्क बुझाउनुपर्‍यो । साहले प्रज्ञापनपत्रमा छाप लगाउन भन्सार शुल्कबाहेक कर्मचारीलाई ५० भारु पनि बुझाउनुपर्‍यो ।

धनुषा, लगमा–जटही छोटी भन्सारको कार्यालयमा प्रज्ञापन पत्रमा छाप लगाउन राजस्वबाहेक अतिरिक्त रकम अनिवार्य गरेपछि भारतीय सवारी लिएर आउनेहरू मारमा परेका छन् । कार्यालय सहयोगी विजय मण्डलले प्रज्ञापनपत्रमा छाप लगाउन न्यूनतम ५० रुपैयाँ लिन्छन् । टेबलमा कागजात राख्ने फाइलमा नै अतिरिक्त रकम जम्मा गर्छन् । नगद नपाएसम्म प्रज्ञापनपत्रमा मण्डलले छाप नै लगाउँदैनन् । मण्डलले कागजात नभएका व्यक्तिको काम गरिदिएबापत पैसा लिएको स्विकारे । भन्सारअगाडि फोटोकपी व्यवसाय गर्दै आएका मण्डललाई यात्रु शाखाबाट प्रज्ञापनपत्र दिने कार्यालय सहयोगी बैजनाथ लाल कर्णसमेत सहयोग गर्छन् । कागजात नमिलेको, सावारीसाधनको सक्कल कागजात र चालक अनुमतिपत्रको सक्कल कागजात नहुँदा प्रज्ञापनपत्रका लागि ५ सय भारतीय रुपैयाँसम्म असुल्छन् ।

भन्सार कार्यालयमा नगद कारोबारमा रोक लगाइएको नायब सुब्बा मोहम्मद अजहम रजाले बताए । ‘सेवाग्राहीले भन्सार कार्यालयलाई बुझाउनुपर्ने रकम प्रभु बैंकको खातामा जम्मा गर्छन्,’ उनले भने । तर, लगमा–जटही छोटी भन्सारका कर्मचारी राजस्व अतिरिक्तको रकम नगद असुल्छन् । अतिरिक्त रकम नबुझेसम्म भन्सारको काम नै अगाडि बढ्दैन । जनकपुर भन्सार प्रमुख रामेश्वर मिश्रले भन्सारका कर्मचारी अतिरिक्त रकम लिएको प्रमाण भेटिए तत्कालै कारवाही हुने बताए । भन्सार कार्यालयमा सीसीटीभी क्यामरा जडान गरिएको छ । तर अनुगमन नहुँदा भन्सारका कर्मचारी सेवाग्राहीबाट अतिरिक्त रकम, चियापान र खाजा खर्च भन्दै घूस लिने गर्छन् ।

दक्ष जनशक्ति नहुँदा भारतीय सवारीसाधनको अनलाइन भन्सार पुर्जी काटन प्राविधिक समस्या भएको मिश्रले बताए । नयाँ व्यवस्थाले धनुषामा भारतीय गाडी प्रयोगकर्ता घटेका छन् । आर्थिक ऐन २०७६ ले भारतीय सवारीसाधनलाई नेपाल प्रवेश गर्ने मापदण्डलाई कडा बनाएपछि लगमा जटही भन्सारको यात्रु शाखामा भारतीय सवारीसाधनको भन्सार लिनेको चाप बढेको छ । धनुषामा भारतीय सावरीसाधन प्रवेश गर्न भन्सारले जटही नाकालाई तोकेको छ । अन्य बाटो भएर जिल्लामा प्रवेश भएको भारतीय गाडी कारबाहीमा पर्छ ।

धनुषामा अवैध रूपले आएका र कागजता नभएको ३ सय २५ वटा भारतीय सवारीसाधन जफत गरी जनकपुर भन्सार कार्यालयले आर्थिक वर्ष ०७५/७६ मा लिलाम गरेको थियो । भारतीय सीमासँग जोडिएको भूभागमा खुलेआम भारतीय सवारीसाधनको प्रयोग हुँदा राजस्व चुहावट भएपछि नयाँ ऐन ल्याइएको हो । आर्थिक ऐनअनुसार १ वर्षमा २९ दिनसम्म मात्र भारतीय सवारीसाधनले शुल्क तिरेर प्रज्ञापनपत्र लिएर नेपाल प्रवेश गर्न पाउने कानुनी व्यवस्था छ । यसअघि अनुमतिबिना नेपाल आउने सवारीसाधनलाई २५ हजार रुपैयाँसम्म जरिवाना तिराउने गरिएको थियो ।

प्रकाशित : आश्विन ८, २०७६ ११:१४
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
×