प्रहरीको गोलीले गाँजा तस्कर घाइते

हेटौंडा-१५, रातोमोटेमा जिल्ला प्रहरी कार्यालय र इलाका प्रहरी कार्यालय पशुपतिनगरको संयुक्त टोलीले विशेष सूचनाको आधारमा उक्त ट्रकको जाँच गर्दा पर्सा जिल्ला वीरगञ्ज-२९ का ३५ वर्षीया चौधरीले प्रहरी जवानसहित ट्रक चलाएर अपहरण शैलीमा भाग्न खोजेपछि प्रहरीले उनलाई पछ्याएको थियो ।

प्रहरीले पछ्याउने क्रममा जाँच गर्ने स्थानभन्दा केही तलपुगेर प्रहरी जवानलाई लछारपछार गर्दै वनतर्फ लैजाने थालेपछि प्रहरीले उनीमाथि गोली प्रहार गरेको प्रहरीले जनाएको छ । प्रहरीका अनुसार चालकको साथमा रहेका अर्का एक व्यक्ति भने फरार छन् ।

‘प्रहरीले दुई राउण्ड मात्र गोली चलाएको थियो,' जिल्ला प्रहरी कार्यालय मकवानपुरका प्रमुख प्रहरी उपरीक्षक मुकेशकुमार सिंहका अनुसार उनलाई पक्राउ गर्ने क्रममा दुईजना प्रहरी जवान समेत घाइते भएका छन् । उनीहरुको साथबाट १४ पोका अर्थात ७८ केजी आठसय ग्राम गाँजा पनि नियन्त्रणमा लिइएको सिंहले जानकारी दिए ।