३०.१२°C काठमाडौं
कक्षा ११ को नतिजा सार्वजनिक हुँदै
काठमाडौँ — कक्षा ११ को परीक्षाफल मंगलबार सार्वजनिक हुँदैछ । परीक्षाफल सार्वजनिक गर्न राष्ट्रिय परीक्षा बोर्डको बैठक बसिरहेको परीक्षा नियन्त्रक कृष्ण शर्माले जानकारी दिए । गत बैशाख २९ देखि जेठ ८ गतेसम्म लिएको परीक्षाको नतिजा आज प्रकाशित हुन लागेको हो ।
परीक्षामा आंशिक र नियमिततर्फ गरी ५ लाख ८ हजार परीक्षार्थी सहभागी थिए । नतिजा प्रकाशन तयारीका लागि सोमबार बोर्डको बैठक बसेको थियो ।
बैठकमा नतिजा प्रकाशन तयारीबारे छलफल भएको हो ।
११ कक्षामा मुलुकभरका ४ हजार एक सय ३७ विद्यालयका विद्यार्थी परीक्षामा सम्मिलित थिए । १ हजार १ सय ७ केन्द्रमा परीक्षा भएको थियो ।
प्रकाशित : आश्विन ६, २०७६ १८:४६प्रतिक्रिया
