ग्यासको मूल्य २५ रुपैयाँ घट्यो

राजु चाैधरी

काठमाडौँ — नेपाल आयल निगमले खाना पकाउने एलपी ग्यासको मूल्य प्रतिसिलिन्डर २५ रुपैयाँ घटाएको छ । भारतीय आयल निगम(आइओसी)ले पठाएको नयाँ मूल्यसूचि अनुसार समायोजन गर्दा यहाँ पनि मूल्य घटेको निगमका प्रवक्ता विरेन्द्र गोइतले बताए ।

‘बिहीबार बसेको सञ्चालक समितिको बैठकले प्रतिसिलिन्डर २५ रुपैयाँ घटाउने निर्णय गरेको छ,’ प्रवक्ता गोइतले भने, ‘नयाँ मूल्य शुक्रबार राति १२ बजेदेखि लागू हुनेछ ।’ हाल खाना पकाउने ग्यासको मूल्य प्रतिसिलिन्डर १३ सय ७५ रुपैया पर्छ । नयाँ मूल्य अनुसार प्रतिसिलिन्डर १३ सय ५० रुपैयाँ तोकिएको छ ।


निगमले हवाई इन्धन अर्न्तराष्ट्रिय उडान तर्फको बिक्री मुल्यमा पनि समान्य घटाएको छ । गोइतका अनुसार भ्रमण बर्षलाई टेवा पुर्याउने हवाई इन्धन(अर्न्तराष्ट्रिय) तर्फ प्रतिकिलो लिटर ५० अमेरिकी डलर घटाएको हो ।


‘प्रति किलोलिटर १०५० अमेरिकी डलरबाट १००० अमेरिकी डलर कायम गरेका छौ,’ उनले भने । यस्तै, पेट्रोल, डिजेल, मटितेल र हवाई इन्धन अर्न्तराष्ट्रिय तर्फ भने मूल्य समायोजन गरेको छैन ।



प्रकाशित : आश्विन ३, २०७६ १९:४१
ADVERTISEMENT
प्रतिक्रिया
पठाउनुहोस्
ADVERTISEMENT

अरुणमा बेपत्ताको यसरी हुँदैछ खोजी 

दीपेन्द्र शाक्य

संखुवासभा — बुधबार राति अरुण नदीमा जिप सहित दुर्घटनामा परेकाहरुको खोजी तेस्रो दिन शुक्रबार पनि जारी छ । संखुवासभाको धर्मदेवी-८ मा पर्ने अक्करे भीरबाट अरुण नदीमा जिप खस्दा बेपत्ता भएका ६ जनाको खोजी चितवनबाट गोताखोर ल्याएर खोज्नेकाम सुरु भएको हो । बेपत्ता भएको जिप र ६ जनाको सशस्त्रका ४ जना गोताखोरले अरुणमा बिहीबारबाट खोज्न सुरु गरेको प्रमुख जिल्ला अधिकारी जीवनप्रसाद दुलालले बताए । 


अरुण ४० देखि सय फिट भन्दा गहिरो भएको उद्धारमा संलग्नले जनाएका छन् । धमिलो पानी त्यसमा पनि घुमाउने दह भएकाले खोजीमा केही समस्या भएको जिल्ला प्रहरीका डीएसपी मीमबहादुर लामाले बताए ।

सेनाको हेलिकप्टरबाट गोताखोर ल्याइएको थियो । मंगलबार राति खाँदबारीबाट बिरामी बोकेर धरान जाँदै गरेको को १ ज ३७४९ नम्बरको जिप धर्मदेवी ८ मा पर्ने अक्करको भीरबाट अरुण नदीमा खस्दा ६ जना बेपत्ता भएका थिए । बेपत्ता हुनेमा खाँदबारी नगरपालिका–९ का एकै परिवारका ३ जना छन् । संगम श्रेष्ठ उनको श्रीमती सदिक्षा श्रेष्ठ र दुई महिने छोरा समिर श्रेष्ठ बेपत्ता भएका हुन् । त्यस्तै प्रमेश थापामगर, खबरमान पिठाकोटी र चालक सन्तोष विश्वकर्मा पनि बेपत्ता छन् ।

प्रकाशित : आश्विन ३, २०७६ १८:३६
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
×