गोली प्रहार गरी लुटपाट

दुर्गालाल केसी

दाङ — तुलसीपुरमा गोली प्रहार गरी बिहीबार अपरान्ह लुटपाट भएको छ । राप्ती राजमार्ग अन्तर्गत तुलसीपुर अमिलिया सडक खण्डको तुलसीपुर उपमहानगरपालिका १३ भञ्ज्याङमा गाडी रोकेर लुटपाट भएको प्रहरीले जनाएको छ ।

ZenTravel

भारतको रुपैडिहाबाट आफैँले रिजर्भ गरी ल्याएको युपी ४० एबी ९११ नम्बरको कार बाटोमा रोकेर चालकलाई लुटपाट गरेको जिल्ला प्रहरी प्रवक्ता डीएसपी विनोदविक्रम शाहले बताए।

Meroghar

भारत नागपुरका ४६ वर्षीय महोमद साहेवले गाडी रिजर्भ गरी ल्याएको र नेपालगन्जबाट थप तीन जना चढेकोमा तुलसीपुरको भञ्ज्याङ् पुगेपछि चालकलाई फायर गरी तर्साएर १५ हजार लुटेको डीएसपी शाहले बताए।

घटनापछि चालक भारत रुपैडिहाका ३० वर्षीय निराज अली शाहले प्रहरीलाई खबर गरेका थिए। घटनास्थलबाट कटुवा पेस्तोलको एक गोली र खोका फेला परेको डीएसपी शाहले बताए।

घटनापछि प्रहरी परिचालन गरेर लुटपाटमा संलग्न महोमद साहेवलाइ पक्राउ गरेको उनले जानकारी दिए। अन्य तीन जना फरार रहेको प्रहरीले जनाएको छ। उनीहरूको खोजी भैरहेको शाहले बताए।

प्रकाशित : आश्विन २, २०७६ १८:५७
प्रतिक्रिया
पठाउनुहोस्
ADVERTISEMENT
ADVERTISEMENT

सर्पले टोकेर बालिकाको मृत्यु

दुर्गालाल केसी

दाङ — घोराही उपमहानगरपालिका १ सिमलताराकी सात वर्षीया गोमा वलीको सर्पले टोकेर मृत्यु भएको छ ।

बुधबार राति सुतिरहेका बेला घरमै सर्पले टोकेपछि गम्भीर बनेकी वलीको उपचारका क्रममा बिहीबार बिहान राप्ती स्वास्थ्य विज्ञान प्रतिष्ठान घोराहीमा मृत्यु भएको जिल्ला प्रहरी प्रवक्ता डिएसपी विनोदविक्रम शाहले बताए।

प्रकाशित : भाद्र १९, २०७६ ०९:४२
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
×