कान्तिपुर वेबसाईट
AdvertisementAdvertisement

युवा वैज्ञानिकलाई अभावमा रहन दिँदैनौं : प्रधानमन्त्री ओली

कान्तिपुर संवाददाता

काठमाडौँ — प्रधानमन्त्री केपी शर्मा ओलीले युवा वैज्ञानिकलाई अध्ययन अनुसन्धानका निम्ति आर्थिक अभाव हुन नदिने बताएका छन् । शिक्षा, विज्ञान तथा प्रविधि मन्त्रालयले सातौं राष्ट्रिय विज्ञान दिवसका अवसरमा बुधबार राजधानीमा गरेको कार्यक्रममा उनले विज्ञान प्रविधिको प्रयोग र खोज अनुसन्धान सिर्जनात्मक हुनुपर्नेमा जोड दिए ।

‘जनसंख्याको सबभन्दा ठूलो हिस्सा क्रियाशील युवाको छ,’ उनले भने, ‘युवा वैज्ञानिकलाई अध्ययन अनुसन्धान गर्न साथ दिन्छ, सहयोग गर्छ ।’


प्रधानमन्त्री ओलीले विज्ञान तथा प्रविधि प्रयोग गरेर मुलुकलाई समृद्धिका दिशामा अगाडि बढाउने बताए । ‘हामी वीर पुर्खामात्र होइन, विद्वान् पुर्खाका सन्तान हौं,’ उनले भने, ‘अब विज्ञान र प्रविधिको प्रयोगबाट लोकतन्त्रलाई सुदृढ, स्वच्छता, पारदर्शिता, भ्रष्टाचारमुक्त समाज, आर्थिक उन्नति गर्दै समृद्ध देश बनाइनेछ ।’


प्रधानमन्त्री ओलीले विज्ञान तथा प्रविधिका निम्ति गठित मन्त्रालय र सम्बन्धित संस्थाहरू प्राथमिकतामा पर्न नसकेको स्वीकार गर्दै अब मन्त्रालयमा विज्ञान तथा प्रविधि विषय बुझेका मन्त्री र सचिव दिने आश्वासनसमेत दिएका छन् ।


‘उचित वातावरण बनेपछि बजेटको कमी हुँदैन । सरकारले नासाको जति होइन, नास्टको सीमासम्म बजेट दिन्छ,’ उनले भने । यसअघि नास्टका उपकुलपति सुनीलबाबु श्रेष्ठले ३७ वर्षमा नास्टले २ अर्ब ३७ करोड रुपैयाँमात्र बजेट पाएको उल्लेख गर्दै सरकारले नास्टलाई प्राथमिकता दिनुपर्ने बताएका थिए ।


प्रधानमन्त्री ओलीले कार्यक्रममा ‘राष्ट्रिय विज्ञान प्रविधि तथा नव–प्रवर्तन नीति, २०७६’ सार्वजनिक गरेका थिए । नीतिले ‘दिगो विकास र समृद्धिका लागि विज्ञान तथा नव–प्रवर्तन’ सोच र ‘विज्ञान प्रविधिको विकास, नव–प्रवर्तनको उपयोग र वैज्ञानिक संस्कृतिको प्रवर्द्धनबाट उत्पादन र उत्पादकत्व वृद्धि गरी नागरिकको जीवनयापनमा सहयोग गर्दै समृद्ध नेपाल निर्माणमा योगदान गर्ने’ लक्ष्य लिएको छ ।

प्रकाशित : आश्विन १, २०७६ १९:५८
प्रतिक्रिया
पठाउनुहोस्

गृहमन्त्रीका भाइ धरौटीमा छुटे

जनकराज सापकोटा

काठमाडौँ — काठमाडौं जिल्ला अदालतले गृहमन्त्री रामबहादुर थापाका भाइ नरेशलाई १ लाख रुपैयाँ धरौटीमा रिहा गरेको छ । जिल्ला अदालत, काठमाडौंका न्यायाधीश मेदिनीप्रसाद पौडेलको इजलासले आपराधिक लाभ (एक्स्टर्सन) र संगठित अपराधसम्बन्धी कसुरको अभियोग लागेका नरेशलाई थुनछेक बहस सकिएपछि बुधबार एक लाख रुपैयाँ धरौटीमा छाड्न आदेश दिएको हो ।

उनी बुधबार अपराह्न १ लाख धरौटी राखेर रिहा भएका छन् । आपराधिक लाभ (एक्सटर्सन) र संगठित अपराधसम्बन्धी कसुरमा पक्राउ परेका अरू ६ जनालाई पुर्पक्षका लागि थुनामा पठाइएको छ । उक्त अभियोगमा थापासँगै पवन खड्का, सुरेन नगरकोटी बलामी, शैलेश प्रजापति, विनोद लामा, वीरबल भट्टराई र मनबहादुर पुन मगरलाई पक्राउ गरी अदालतमा मुद्दा दायर गरिएको थियो ।

प्रहरीको केन्द्रीय अनुसन्धान ब्युरोले गुन्डा नाइके समीरमानसिंह बस्न्यातका दुई सहयोगी पवन खड्का र सुरेन नगरकोटीका गैरकानुनी काममा नरेशको सम्बन्ध देखिएपछि उनलाई पक्राउ गरेको थियो ।

अदालतमा बयानका क्रममा थापाले बस्न्यातसँग आफ्नो चिनजानै र कहिल्यै भेट्दै नभेटेको दाबी गरेको जानकारी स्रोतले दिएको छ । व्यापारी तथा व्यवसायीलाई धम्क्याई असुली धन्दा चलाउँदै आएका बस्नेतको योजनाअनुसार निर्माण व्यवसायी शरदकुमार गौचनलाई राजधानीमा हत्या गरिएको थियो । प्रहरीले बस्नेतलाई भारतबाट पक्राउ गरी नेपालमा ल्याएर कैदमा राखेको छ । उनले जेलभित्रै बसेर आफ्ना सहयोगीमार्फत व्यापारी–व्यवसायीलाई धम्क्याई असुली धन्दा चलाउँदै आएको अनुसन्धान ब्युरोको निष्कर्ष छ ।


.....

आपराधिक लाभ र संगठित अपराधमा संग्लन भएको आरोपमा पक्राउ परेका गृहमन्त्रीका भाई नरेश थापालाई काठमाडौं जिल्ला अदालतले एक लाख धरौटीमा छाड्न आदेश दिएको छ ।

थापा सहित पक्राउ परेका समीरमान बस्नेत, पवन खड्का, वीरबल भट्टराई, सुरेन नगरकोटी, शैलेश प्रजापति र विनोद लामालाई पुर्पक्षका लागि थुनामा पठाउने आदेश भएको अदालतका श्रेष्तेदार आनन्दप्रसाद श्रेष्ठले जानकारी दिए ।

निर्माण व्यवसायी महासंघका अध्यक्ष शरदकुमार गौचनको गोली हानी हत्या गरेको घटनाका मुख्य अभियुक्तका रुपमा पक्राउ परेका समीरमान बस्नेतसँग मिली फिरौती संकलनमा जोडिएको भन्दै नरेशसहित सात जनाविरुद्ध नेपाल प्रहरीको केन्द्रीय अनुसन्धान ब्युरोले मुद्दा अगाडी बढाएको हो ।

ब्युरोले जेलभित्रैबाट समीरमानले दिएको सुचनाको आधारमा पवन खड्का, सुरेन नगरकोटीले फिरौती संकलनको योजना बनाएको र सोही क्रममा नरेशसँग बारम्बार भेटको उल्लेख गरेको छ ।

यो पनि पढ्नुहोस्:

प्रकाशित : आश्विन १, २०७६ १९:३३
पूरा पढ्नुहोस्
प्रतिक्रिया
पठाउनुहोस्
×