बालिका बलात्कार गरी हत्या गर्नेलाई आजीवन कारावास
धनुषा — धनुषा जिल्ला अदालतले बालिका बलात्कार गरी हत्या गरेको ठहर गर्दै २ जनालाई आजीवन कारावासको सजाय सुनाएको छ ।
औरही गाउँपालिका–२ परवाहाककी १० वर्षीया बालिकालाई बलात्कार गरी हत्या गरेका स्थानीय ३१ वर्षीय विनोद मुखिया र ३३ वर्षीय नथुनी पण्डितलाई आजीवन करावास सजाय सहितको आदेश दिएको हो ।
धनुषा जिल्ला अदालतका न्यायाधीश राजेश कटुवालको इजलासले मुखिया र पण्डितलाई आजीवन करावाससहितको सजाय सुनाएको सरकारी वकिलको कार्यालय धनुषाका सहायक न्यायधिवक्ता शान्ति बरालले बताए ।
घर नजकै दसैंमा लागेको दुर्गा मेलामा नाच हेर्न गएकी बालिकालाई १० रुपैयाँको प्रलोभन देखाएर दुवै जनाले ०७५ असोज २६ गते राति गाउँभन्दा बाहिर लगेर बलात्कार गरी बालिकाको हत्या गरेका थिए । बालिकाको शव धान खेतको हिलोमा गाडिएको अवस्थामा फेला परेको थियो ।
प्रकाशित : आश्विन १, २०७६ १८:४४