३ भाषामा मोदीलाई शुभकामना

‘म तपाईंको स्वास्थ्य, खुसी र दीर्घायुको कामना गर्दछु,’ प्रधानमन्त्री ओलीले ट्वीटमार्फत पठाएको सन्देशमा भनेका छन्, ‘मलाई विश्वास छ, हामी मिलेर नेपाल–भारत द्विपक्षीय सम्बन्धलाई अरू दरिलो बनाउनेछौं ।’ प्रधानमन्त्री ओलीले नेपाली भाषामा भने ट्वीट गरेका छैनन् ।

प्रधानमन्त्री ओलीको ट्वीटको जवाफ दिंदै भारतीय समकक्षी मोदीले नेपाली र गुजराती भाषामा लेखेका छन्, ‘मेरा मित्र प्रधानमन्त्री ओलीज्यू, तपाईंको शुभकामनाका लागि धन्यवाद व्यक्त गर्न चाहन्छु । यहाँको शुभकामनाको अत्यन्तै कदर गर्दछु ।’

भारतीय प्रधानमन्त्री मोदीको जन्मदिनमा शुभकामना व्यक्त गर्दै दिल्लीस्थित नेपाली राजदूतले पनि हिन्दीमा ट्वीट गरेका छन् । राजदूत आचार्यले ट्वीटमा भनेका छन्, ‘तपाईँ विश्वमान्य राजनेता हुनुहुन्छ, श्रद्धेय हुनुहुन्छ । सधैं स्वस्थ रहनुहोस्, खुसी रहनुहोस्, सफल रहनुहोस् । मेरातर्फबाट आदरपूर्ण नमन स्वीकार गर्नुहोस् ।’

પ્રધાનમંત્રી શ્રી @narendramodi જી ને જન્મદિન પર હાર્દિક શુભેચ્છાઓ! હું આપના સારા સ્વાસ્થ્ય, સુખ અને કુશળતાની કામના કરું છું.

આપણે સાથે મળી બહુપક્ષીય નેપાળ-ભારત સંબંધોને વધુ મજબૂત કરવા માટે કામ કરતા રહીશું.

— K P Sharma Oli (@kpsharmaoli) September 17, 2019