न्यायाधीशका सवारी चालक घूससहित पक्राउ
सिरहा — जिल्ला अदालत सिरहामा कार्यरत सवारी चालक वृजमोहन यादवलाई सदरमुकाम सिरहास्थित एक होटलबाट घूस रकमसहित
अख्तियारको टोलीले पक्राउ गरेको छ ।
अख्तियारको बर्दिबासस्थित कार्यालयको टोलीले यादवलाई सदरमुकाम सिरहास्थित खड्ग होटलबाट १ लाख १० हजार घूस रकम लिदै गर्दा पक्राउ गरेको हो ।
यादवले अदालतमा विचारधिन मुद्दा मिलाइदिने भन्दै पीडितसँग रुपैयाँ माग गरेका थिए ।
पक्राउ परेका यादव इजलास नम्बर ३ का न्यायाधीश नरनारायण पौडेलका सवारी चालक हुन् ।
प्रकाशित : भाद्र २६, २०७६ १९:०५प्रतिक्रिया
