प्रधानमन्त्री ओलीसँग भेट्न चिनियाँ विदेशमन्त्री बालुवाटारमा

तस्बिर : इलिट जोशी

काठमाडौँ — तीनदिने नेपाल भ्रमणका लागि आइतबार नेपाल आइपुगेका चिनियाँ विदेशमन्त्री वाङ यीले प्रधानमन्त्री निवास बालुवाटार पुगी प्रधानमन्त्री केपी शर्मा ओलीसँग भेट गरेका छन् ।

विदेशमन्त्री यी विदेशमन्त्रीस्तरीय नेपाल-चीन संयन्त्र बैठक सकिए लगत्तै बालुवाटार पुगेका हुन्। प्रधानमन्त्रीसँग बालुवाटारमा भेटवार्ता गरे लगत्तै उनी राष्ट्रपति विद्यादेवी भण्डारीलाई भेट्न शितल निवास जाने छन्।

आजै होटल याक एण्ड यतीमा भएको बैठकमा नेपाल र चीनबीच तीनवटा समझदारी पत्रमा हस्ताक्षर भएको छ।

विदेशमन्त्री वाङ यीले नेपाल सरकारका केही विभागीय मन्त्री तथा पूर्व प्रधानमन्त्रीहरुले पनि भेट्ने कार्यक्रम छ।


प्रकाशित : भाद्र २३, २०७६ १७:२९
प्रतिक्रिया
पठाउनुहोस्

नेपाल-चीन संयन्त्र बैठक सकियो, तीनवटा मुख्य सम्झौता

देवेन्द्र भट्टराई, तस्बिर : अंगद ढकाल

काठमाडौँ — विदेशमन्त्रीस्तरीय नेपाल-चीन संयन्त्र बैठक सकिएको छ । बैठकमा भएको बृहत छलफलपछि चीनले नेपाललाई आपतकालिन अवस्थाको तयारी स्वरुप ५ हजारवटा पाल दिने, नेपालमा चिनियाँ भाषा पढाउनका लागि स्वयंसेवक शिक्षक पठाउने र लगभग ३५ करोड नेपाली रुपैयाँको खर्चमा मनाङमा अस्पताल बनाइदिने सहमति भएको बताइएको छ ।

आज दिउँसो राजधानीको याक एण्ड यति होटलमा चिनियाँ विदेशमन्त्री वाङ यीलाई नेपाली समकक्षी प्रदीप ज्ञवालीसहित अर्थमन्त्री डा. युवराज खतिवडा, चीनका लागि नेपाली राजदूत लिलामणी पौडेल, परराष्ट्र सचिव शंखर वैरागी, मन्त्रालयमा चीन मामिला हेर्ने सहसचिव काली पोखरेललगायतको उच्च पदस्थ अधिकारीबीच बैठक बसेको थियो।



चिनियाँ विदेशमन्त्री वाङ यी आइतबार काठमाडौं आइपुगेका हुन्। विदेशमन्त्री यीले सोमबारको संयन्त्र बैठकपछि राष्ट्रपति विद्यादेवी भण्डारी र प्रधानमन्त्री केपी शर्मा ओलीसँग भेटवार्ता गर्दैछन्। नेपाल सरकारका केही विभागीय मन्त्री तथा पूर्व प्रधानमन्त्रीहरुले पनि विदेशमन्त्रीलाई भेट्ने कार्यक्रम छ।



प्रकाशित : भाद्र २३, २०७६ १७:१३
पूरा पढ्नुहोस्
प्रतिक्रिया
पठाउनुहोस्