लोकसेवा आयोगका पूर्वअध्यक्ष राईको निधन
काठमाडौँ — लोकसेवा आयोगका पूर्व अध्यक्ष सन्तबहादुर राईको निधन भएको छ । ८४ वर्षीय राईको पाटन अस्पतालमा उपचारको क्रममा सोमबार बिहान निधन भएको हो ।
ललितपुरको जावलाखेलमा बस्दै आएका राई केही वर्षदेखि अल्जाइमरलगायत रोगबाट ग्रसित थिए । उनी १९९३ सालमा संखुवाभाका खादबारी–४ स्यामदाङ पामा गाउँमा जन्मिएका थिए ।
निजामती सेवामा सचिव भएका राईले अवकाशपछि लोकसेवा आयोगको सदस्य र त्यसपछि अध्यक्षको जिम्मेवारीसमेत सम्हालेका थिए । राईकी श्रीमतीको यसअघि नै निधन भइसकेको र दुई छोरी रहेका छन् ।
प्रकाशित : भाद्र २३, २०७६ १२:०३प्रतिक्रिया