जग्गा फिर्ता गर्ने सहमति

कान्तिपुर संवाददाता

विराटनगर — व्यक्तिका नाममा सारिएको मोरङ बेलबारी–२ को सहारा बालग्रामको जमिन नागरिक समाज र राजनीतिक दलको दबाबमा संस्थाकै नाममा फिर्ता गर्ने सहमति भएको छ ।

ZenTravel

संस्थाका संस्थापक अध्यक्ष पूर्वसभासद हर्कमान तामाङ र हालका अध्यक्ष शिव बरालले संस्थाको १ बिघा ८ कट्ठा ३ धुर जमिन व्यवसायी डम्बरबहादुर तामाङको नाममा २०५६ मंसिर ११ मा नामसारी गरेको सार्वजनिक भएको थियो ।

संस्थाले लिएको रकम ६ महिनाभित्र फिर्ता गर्ने सर्तमा शुक्रबार डम्बरबहादुरबाट जमिन संस्थाकै नाममा फिर्ता गर्ने सहमति गरिएको बरालले बताए । उनले डम्बरबहादुरबाट आफूहरूले ६९ लाख ९४ हजार रुपैयाँ लिएर जमिन उनको नाममा नामसारी गरेको दाबी गरे ।

तर संस्थाले ३ करोड रुपैयाँ लिएर नतिरेपछि अदालतमार्फत संस्थाको जमिन आफ्नो नाममा नामसारी गराएको डम्बरबहादुरको दाबी छ । उनले पनि आफ्नो रकम ६ महिनामा फिर्ता गर्ने लिखित सहमतिपछि शुक्रबार संस्थाको जमिन फिर्ता गर्ने प्रक्रिया अघि बढाएको बताए ।

संस्थाको जग्गामध्ये ६ वटा कित्ताको १ बिघा ८ कट्ठा ३ धुर जमिन संस्थाले डम्बरबहादुरको नाममा नामसारी गरेको थियो । यो प्रकरणमा नेकपाका पुराना सक्रिय सदस्यहरू तामाङ र बरालको नाम जोडिएपछि पार्टीको बेलबारी नगर कमिटीले सोमबार सचिव रविन थापाको नेतृत्वमा पाँच सदस्यीय छानबिन समिति गठन गरेको थियो । समितिले पाँच दिनमा आफ्नो प्रतिवेदन बुझाउने र संस्थाको जमिन बिक्रीमा संलग्न पार्टीका जुनसुकै तहका नेता भए पनि कारबाही गर्ने नगर अध्यक्ष पर्शुराम सुवेदीले बताएका थिए ।

समितिले प्रतिवेदन बुझाउनु पहिल्यै उनीहरूले जमिन संस्थाको नाममा फिर्ता ल्याइएको दाबी गरेका छन् । तामाङ पूर्वसभासद र बराल तत्कालीन बेलबारी गाविसका दुई कार्यकाल अध्यक्ष हुन् । अमेरिकाको भर्जिनियाका ड्यानी अनी, एलिसा हाम्फ्रिन, डा. वाल्ट ज्यामी हर्बर र टेनिसीले अनाथ बालबालिकाको संरक्षणको काम गर्न सहारा स्थापना गरेर सञ्चालनको जिम्मेवारी तत्कालीन प्रतिनिधिसभा सदस्य हर्कमान तामाङलाई २०५६ भदौ ४ मा हस्तान्तरण गरेका थिए ।

यो पनि पढ्नुहोस्ः
सामाजिक संस्थाको सम्पत्ति व्यक्तिलाई

प्रकाशित : भाद्र १६, २०७६ १८:५४
ADVERTISEMENT
ADVERTISEMENT
प्रतिक्रिया
पठाउनुहोस्

एटीएम ह्याक गरेर चोरी : चिनियाँ गिरोहका थप एक सदस्य विमानस्थलबाट पक्राउ, ३ नेपाली पनि ठमेलबाट पक्राउ

जनकराज सापकाेटा, यज्ञ बञ्जाडे

काठमाडौँ — एटीएम प्रणाली नै ह्याक गरेर काठमाडौंका ९ विभिन्न बैंकका अवैध भिसा कार्डमार्फत सवा करोडभन्दा धेरै रकम चोरीमा संलग्न रहेको आरोपमा प्रहरीले त्रिभुवन अन्तर्राष्ट्रिय विमानस्थलबाट थप एकजना र ठमेल क्षेत्रबाट ३ जना नेपाली पक्राउ गरेको बताएको छ ।

चिनियाँ मुलका फ्रेन्च नागरिक सू लुस्लीलाई आइतबार राति चीन जान लागेको अवस्थामा विमानस्थलबाट पक्राउ गरेको हो भने अन्य ३ जना नेपालीलाई भने आज नियन्त्रणमा लिइएको हो। हिजो साँझ पक्राउ परेका फ्रेन्च नागरिक एटीएम प्रणाली ह्याक गर्ने गिरोहकै सदस्य हुन्। पक्राउ परेका नेपालीहरु देवनाथ लामिछाने, रोशन प्रधान श्रेष्ठ र रेवत दवाडीले चोरीको रकम डलरमा साट्न मद्दत गरेको देखिएको छ।

शनिबार प्रहरीले प्रक्राउ गर्ने क्रममा तीन जना चीनियाँहरु ३० लाख रुपैयाँ लिएर भागेका थिए। उनीहरु ठमेलको सञ्चय कोष भवन नजिकै रहेको डेस्सो मनि एक्सचेञ्जमा पुगेर रकम साटेका थिए। डेस्सोमा रहेको डलर अपुग भएपछि सो मनि एक्सचेञ्जका संचालकले नेपालय मनि एक्सचेञ्जमा गएर डलर ल्याएका थिए। लामिछानेले डेस्सो र श्रेष्ठले नेपालय मनि एक्सचेञ्ज सञ्चालन गरेका छन्। दबाडी नेपालय मनि एक्सचेञ्जका प्रवन्धक हुन्।

एटीएम प्रणाली नै ह्याक गरेर भिसा कार्डमार्फत रकम चोरी गरेको आरोपमा शनिबार प्रहरीले ५ चिनियाँ नागरिक पक्राउ परेका छन् । प्रहरी परिसर काठमाडौंको विशेष टोलीले शनिबार साँझ उनीहरूलाई पक्राउ गरेको थियो। चोरीमा संलग्न अन्य दुई चिनियाँ फरार छन्। प्रहरीले पक्राउ परेका चिनियाँको साथबाट १ करोड २६ लाख रुपैयाँ मात्र बरामद गरेको छ ।
शुक्रबार काठमाडौं आएका उनीहरूले शनिबार ५ घण्टामा १५ सय पटक कार्ड प्रयोग गरेको पाइएको थियो। चिनियाँहरू नबिल, नेपाल एसबीआई र नेपाल इन्भेस्टमेन्ट बैंकको एटीएम बुथ प्रयोग गरेका थिए। रकम झिक्न प्रभु, एनआईसी एसिया, सिद्धार्थ, जनता, ग्लोबल आईएमई र सनराइज बैंकको एटीएम कार्ड प्रयोग भएको थियो।

प्रकाशित : भाद्र १६, २०७६ १७:४९
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
×