नक्कली भिसा कार्डबाट रकम निकाल्ने ५ चिनियाँ पक्राउ
काठमाडौँ — प्रहरी परिसर काठमाडौंले नक्कली भिसा कार्ड बनाएर एटीएमबाट पैसा निकाल्ने ५ जना चिनियाँ नागरिकलाई पक्राउ गरी सार्वजिनक गरेको छ ।
उनीहरु नक्कली भिसा कार्डबाट बिभिन्न बैंकका एटीएमबाट पैसा निकाल्ने काममा संलग्न रहेको प्रहरीले जनाएको छ । प्रहरीले उनीहरुको साथबाट १३२ वटा नक्कली र १७ वटा सक्कली भिसा कार्ड समेत बरामद गरेको छ ।
शनिबार दरबारमार्गस्थित नबिल बैंकको एटीएमबाट उनीहरु पक्राउ परेका हुन् । उक्त समूहले बिभिन्न बैकका एटीएमबाट १ करोड २६ लाख निकालिसकेका छन् । प्रहरीले उनीहरुको साथबाट ९ हजार अमेरिकन डलर बरामद गरेको छ ।
उक्त समूह सोमबार चीन उड्ने तयारीमा थियो ।
प्रकाशित : भाद्र १५, २०७६ १०:२९