कान्तिपुर वेबसाईट
AdvertisementAdvertisement

पूर्वमन्त्री नेपालीको निधन 

कान्तिपुर संवाददाता

महोत्तरी — पूर्वयुवा तथा खेलकुदमन्त्री गणेश तिवारी नेपालीको शुक्रबार निधन भएको छ । ७७ वर्षीय उनी मधुमेह र देब्रे फोक्सोको क्यान्सरबाट पीडित थिए । उनको जलेश्वरस्थित निवासमा शुक्रबार साँझ निधन भएको हो । 

कांग्रेसले आह्वान गरेको सशस्त्र संघर्ष र सत्याग्रहजस्ता लोकतन्त्र स्थापनाको आन्दोलनमा सक्रिय रहेर पक्राउ परेका उनी जलेश्वर, मलंगवा, सिन्धुली, रामेछाप र नख्खु कारागारमा पटकपटक गरी ९ वर्ष थुनामा परेका थिए । भारतमा करिब ७ वर्ष निर्वासित जीवन पनि बिताएका उनलाई उता पनि पक्राउ गरी हातहतियार मुद्दामा सीतामढीको डुमरा र मुजफ्फरपुर जेलमा डेढ वर्ष थुनामा राखिएको थियो ।


२०४५ मा कांग्रेसको महोत्तरी जिल्ला सभापति रहेका उनले पार्टीभित्रै पनि पदका लागि संघर्ष गर्नुपरेको थियो । २०४९ मा तत्कालीन नेकपा एमाले प्रवेश गरेर ०५१ को प्रतिनिधिसभा निर्वाचनमा महोत्तरी–४ बाट उठेका उनी पराजित भएका थिए । २०६४ मा तमलोपामा प्रवेश गरेर महोत्तरी–३ बाट निर्वाचित भएका उनी तत्कालीन सरकारमा युवा तथा खेलकुदमन्त्री भएका थिए ।


उतारचढावपूर्ण राजनीतिक जीवन बिताएका उनी बीपी कोइरालाबाट प्रभावित थिए । कांग्रेस छाडेर एमाले र तमलोपामा गए पनि अन्तिम समयसम्म सधैं ‘जय नेपाल’ को अभिवादन गर्न छाडेका थिएनन् । नेपालीका पत्नी र दुई छोरा छन् ।

प्रकाशित : भाद्र १३, २०७६ २१:३६
प्रतिक्रिया
पठाउनुहोस्

२७४ सिटे विमान १७ जना लिएर शनिबार जापान उड्दै, ६५ जना लिएर फर्कने

यात्रु अभावमा साताको ३ पटकको साटो अब २ पटक मात्रै
देवेन्द्र भट्टराई

काठमाडौँ — सातामा ३ पटक उडान भर्ने गरी जापानको ओसाका उड्न थालेको नेपाल वायुसेवा निगमको वाइडबडी विमानको उडान तालिका यात्रु अभावमा एक सातामै घटाइएको छ । यात्रुको संख्या अपेक्षितभन्दा निकै कम भएपछि ‘घाटा बेहोर्न नसक्ने स्थिति आएपछि’ आगामी बिहीबारको उडान तालिका खारेज गरिएको छ ।

पर्यटन मन्त्रालयमा वायुसेवा हेर्ने एक उच्च अधिकारीका अनुसार, शनिबार बिहानको उडानमा जाने यात्रुको संख्या (शुक्रबार साँझसम्ममा) १७ जना रहेको छ र, ओसाकाबाट फिर्नेको संख्या ६५ छ । तर, फिर्ने संख्यामा ३० भन्दा बढी यात्रु गत साताको उडानमा निःशुल्क रुपमा उडेर निगमकै खर्चमा ओसाकामा बस्दै आएकाहरु छन् । उच्च अधिकारीका अनुसार, पर्यटन मन्त्री योगेश भट्टराईले आफैं नेपाल वायुसेवा निगमको जापान उडानको स्थिती हेरेर तत्काल समीक्षा गर्दै उडान संख्या घटाएका हुन् ।

निगमको मुख्यालयस्थित एक वरिष्ठ क्याप्टेनका अनुसार, निगमको वाइडबडीले उडान आधारमा १ घण्टामा झण्डै साढे ६ हजार किलोलिटर तेल खान्छ । यो हिसाबमा नेवानिको ओसाका उडानमा दुई तर्फी झण्डै १४ घण्टाभन्दा बढी लाग्ने र ९१ हजार किलोलिटर तेल खान्छ । अहिलेको बजार मूल्यअनुसार, आवतजावत क्रममा तेलमै १ करोड १० लाख जति खर्च हुने र लेन्डिङ, ग्राउन्ड हेन्डलिङ, नेभिगेसन तथा पार्किङसहितको एकपटकको खर्च बढीमा २ करोड रुपैंयासम्म लाग्ने देखिएपछि यात्रुभार नबढ्दासम्म उडान संख्या घटाइएको हो ।

काठमाडौं–ओसाकाका लागि ७२ हजार रुपैयाँ हवाइ शुल्क तोकिएको छ । शनिबारको उडानबाट मुस्किलले ३५ लाख रुपैयाँ मात्रै निगमले आम्दानी गर्ने देखिएको छ । यसमा पनि १० लाख रुपैयाँ कर शुल्क बुझाउनुपर्ने हुन्छ ।

दशैं तिहारजस्ता चाडको मुखमा दोहा, दुबई र दिल्लीमा उच्च माग रहेको अवस्था रहेकोमा जबरजस्ती जापान उडानको अर्थ नरहेको भन्दै तत्काल उडान तालिकाको संख्या घटाइएको हो । अहिलेकै अवस्थामा जापानमा उडान जारी रहेमा महिनाको १२ वटा फ्लाइटमा मासिक रुपमा १८ करोड रुपैयाँ घाटा हुने देखिएको छ ।

प्रकाशित : भाद्र १३, २०७६ २१:२१
पूरा पढ्नुहोस्
प्रतिक्रिया
पठाउनुहोस्
थप केही समाचारबाट
×