ठूला आयोजना निर्माणमा जोड दिन पर्यटनमन्त्रीको आग्रह  

कान्तिपुर संवाददाता

(पाँचथर) — संस्कृति, पर्यटन तथा नागरिक उड्डयन मन्त्री योगेश भट्टाराईले जिल्लामा सञ्चालित ठूला आयोजनाहरुको निर्माणलाई जोड दिन आग्रह गरेका छन् । 'यो क्षेत्रको विकासका लागि यहाँका ठूला आयोजनालाई चाँडै सम्पन्न गर्नु अहिलेको आवश्यकता हो', उनले भने, 'जिल्लामा सञ्चालित ठूला आयोजनाहरुले भारत र चीनसँगको सम्बन्ध स्थापित गराउँछ ।'

जिल्ला समन्वय समिति पाँचथरको शनिबार तेस्रो जिल्लासभा उद्घाटन गर्दै मन्त्री भट्टराईले अन्तरदेशीय सम्बन्धका आयोजनालाई मन्त्रालयले प्राथमिकतामा राखेर काम गरिरहेको बताए । 'हामी समृद्धि खोजिरहेका छौं', उनले भने पर्यटनको उच्च सम्भावना भएका क्षेत्रलाई छोडेर हामीले चाहेको लक्ष्य पूरा हुन सक्दैन ।'
पाँचथरसहित तेह्रथुम, ताप्लेजुङ, इलाम जिल्ला दक्षिणमा भारत र उत्तरमा तिब्बतसँग सीमा जोडिएका क्षेत्र भएकाले मन्त्रलयले पर्यटन र व्यापारिक हिसाबमा ती आयोजनालाई उच्च प्राथमिकतामा राखेको उनको भनाइ थियो । तमोर करिडोर, मध्यपहाडी मदन भण्डारी लोकमार्ग, तमोर जलाशययुक्त आयोजना निर्माणाधीन अवस्थामा छन् । यी आयोजनालाई बहुउद्देश्य आयोजनाका रुपमा विस्तार गर्नु पर्ने मन्त्री भट्टराईले बताए । विद्युत् उत्पादनका लागि मात्रै नभएर जल पर्यटन, सिँचाई, जल यातायातजस्ता क्षेत्रमा विकास गर्न सके दोहोरो फाइदा हुने उनको भनाइ थियो ।

जिल्लामा २२ बुँदे नीति तथा कार्यक्रम प्रस्तुत गरिएको छ । समन्वय समितिले जिल्लाका सबै तहमा सञ्चालन भएका कार्यक्रमको अनुगमन, जिल्लाको विकासका लागि प्रारम्भिक खाका तयार, दिगो विकासको पहलमा विशेष पहल, जिल्लाका नदीमा हुने प्राकृतिक दोहन हुन नदिन अनुगमनको कार्य बढाउने, जिल्लामा सामाजिक अवस्थामा समस्या आउन नदिन मनोसामाजिक विमर्शका कार्यक्रम सञ्चालन गर्ने लगायतका विषयलाई समेटिएको जिल्ला समन्वय अधिकारी विनोदकुमार दाहालले बताए ।

कार्यक्रम जिल्ला समन्वय समिति प्रमुख विमल साप्कोले केन्द्र, प्रदेश र स्थानीय तह बीचको समन्वय र योजना अनुगमनलाई प्राथमिकतामा राखिएको बताए ।

प्रकाशित : भाद्र ७, २०७६ १६:०६
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

टीकापुरमा देशभरका थारु अगुवाहरुको भेला

टीकापुर घटनाको चार वर्ष 
ठाकुरसिंह थारु, गणेश चौधरी

टिकापुर — टीकापुरमा देशभरका थारु अगुवाहरु भेला भएका छन् । थारुवन प्रदेशको माग गर्दै जारी थरुहट आन्दोलनका क्रममा भएको टीकापुर घटनाको सम्झनामा देशभरीका थारु अगुवाहरु टिकापुरमा जम्मा भएका हुन् ।

थारु कल्याणकारिणी कार्यक्रम नाम दिइएको उक्त कार्यक्रममा सयौले सहभागीता जनाएका छन् । टीकापुरको सिटी हल र चौर खचाखच भरिएको छ । कार्यक्रममा सहभागी हुन मुलुकका विभिन्न क्षेत्रहरुबाट थारु समुदायले सहभागिता जनाएका छन् ।

कार्यक्रमलाई पूर्वप्रधानमन्त्री डा. बाबुराम भट्टराई, राजपाका अध्यक्षमण्डलका सदस्य लक्ष्मणलाल कर्ण, पूर्व राजदूत विजय कर्ण, वरिष्ठ पत्रकार किशोर नेपाल, लेखक खगेन्द्र संग्रौला, युग पाठकले सम्बोधन गर्दैछन् ।

कार्यक्रमस्थलमा कडा सुरक्षाको व्यवस्था गरिएको छ । सुरक्षाकर्मीहरुले सुरक्षा जाँच गरेरमात्रै कार्यक्रम स्थलमा प्रवेश दिइरहेका छन् । आयोजकले १० हजार बढीको सहभागिता रहेको दाबी गरको छ ।

वक्ताहरुले टीकापुर घटनाका मुख्य दोषी मानिएका निलम्बित राजपाका सांसद रेशम चौधरीलाई रिहाईको माग गरेका छन् । टीकापुर घटनामा वरिष्ठ प्रहरी उपरीक्षक लक्षमण न्यौपाने, डेढ वर्षीय बालक टेकबहादुर साउदसहित ८ को ज्यान गएको थियो ।

प्रकाशित : भाद्र ७, २०७६ १५:२१
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT