पासाङ ल्हामु मार्गको ढुंगे–बेत्रावती सडक फेरि अवरुद्ध

शुक्रबार राति आएको बाढीले अस्थायी रुपमा बनाइएको डाईभर्सन बगाएपछि सडक अवरुद्ध भएको जिल्ला ट्राफिक कार्यालयका इन्चार्ज विकल भट्टराईले बताए ।

उक्त डाईभर्सन विदुरनगरपालिका १ र १० वडाको सिमाना हो । बुधबार राति खोलाले सडक बगाएपछि अस्थायी रुपमा दुई वटा हृयुमपाइप हालेर डाईभर्सन बनाएर यातायात सुचारु गरिएको थियो ।

शुक्रबार दिउँसो बनाएको डाइभर्सन बाढी आएर लगेपछि फेरि यातायात अवरुद्ध भएको हो । यो सडक रसुवागढी आउजाउ गर्ने मुख्य बाटो हो ।