चन्द समूहका कास्की इन्चार्ज पक्राउ

दीपक परियार

(पोखरा) — नेत्रविक्रम चन्द समूहको नेपाल कम्युनिस्ट पार्टीका कास्की र स्याङ्जा इन्चार्ज कृष्ण वाग्ले (रुपेश)लाई  शुक्रबार पोखराको शिशुवाबाट कास्की प्रहरीले पक्राउ गरेको छ । 

उनीसँगै चन्द समूहलाई सहयोग गरेको आरोपमा पत्रकार ओम हमालसमेत पक्राउ परेका छन् ।

जनसञ्चारडटकमका सञ्चालक हमाल र चन्द समूहका नेता वाग्लेलाई जिल्ला प्रहरी कार्यालयको हिरासतमा राखिएको छ । चन्द समूहको कार्यक्रम गर्ने सूचनाका आधारमा उनीहरुलाई पक्राउ गरेको प्रहरी नायब उपरीक्षक राजकुमार केसीले बताए ।

प्रकाशित : भाद्र ६, २०७६ १३:०७
प्रतिक्रिया
पठाउनुहोस्

मुख्यमन्त्री गुरुङ बेलायत प्रस्थान 

प्रतिक्षा काफ्ले

(गण्डकी) — गण्डकी प्रदेशका मुख्यमन्त्री पृथ्वीसुब्बा गुरुङ् शुक्रबार बेलायत प्रस्थान गरेका छन् । बेलायतमा हुने नेपाली मेलामा भाग लिनका लागि मुख्यमन्त्री गुरुङ धर्मपत्नी कुमारीमुनी गुरुङसँगै शुक्रबार प्रस्थान गरेको स्वकीय सचिव सुर्यप्रसाद गुरुङले जानकारी दिए । 

हाम्रो संस्कृति, हाम्रो पहिचान, हाम्रो गौरव भन्ने मुल नारासहित आइतबारदेखि बेलायतमा नेपाली मेला सुरु हुँदैछ । सोही मेलामा मुख्यमन्त्री गुरुङ प्रमुख अतिथिको रुपमा सहभगी हुने छन् । तमू धीं युकेको आयोजनामा २००९ देखि नेपाली मेला सञ्चालन हुँदै आएको छ ।

बेलायत बसाईको क्रममा मुख्यमन्त्री गुरुङले एनआरएनए बेलायतसहित विभिन्न नेपाली समुदायले आयोजना गर्ने कार्यक्रमहरुमा पनि सहभागी हुने कार्यक्रम तय भएको छ । बेलायत बसाईंको क्रममा एनआरएनए नेपालीहरुलाई प्रदेशमा लगानी लागि आग्रह गर्ने र नेपाल भ्रमण वर्षका लागि वतावरण बनाउन आफ्नो भ्रमण फलदायी हुने मुख्यमन्त्री गुरुङले बताए ।

मुख्यमन्त्री गुरुङ भदौ १४ गते स्वदेश फर्कने निजी सचिवालयले जनाएको छ ।

प्रकाशित : भाद्र ६, २०७६ १३:०५
पूरा पढ्नुहोस्
प्रतिक्रिया
पठाउनुहोस्