फेसबुकमा जथाभावी लेख्ने पक्राउ

प्रहरीले बारा, जितपुरका सागर मैनालीलाई इलाका प्रहरी कार्यालय सिमराको सहयोगमा पक्राउ गरी विद्युतीय कारोबार ऐनअन्तर्गत मुद्दा चलाउने तयारी थालेको छ । महाशाखाका एसएसपी सहकुल थापाका अनुसार मैनालीले सोमबार उक्त भिडियो आफ्नै फेसबुकमा राखेका थिए ।

लामो समय मलेसिया बसेर केही समयअघि मात्रै नेपाल फर्केका मैनालीले नेताहरूप्रति आक्रोश पोख्दै लामिछानेलाई फसाउन खोजिएको दाबी गरेका छन् । उनले ‘गोर्खालीले बनाएको खुकुरीले नेताहरूलाई काट्ने धम्की’ दिएका थिए ।

लामिछानेलाई समर्थन गर्दै प्रहरी परिसर काठमाडौंका एसएसपी उत्तमराज सुवेदीलाई अमर्यादित शब्द लेखिएको फोटोसहितको सामग्री फेसबुकमा पोस्ट गरेको आरोपमा सोमबार प्रहरीले अछाम मंगलसेनका शंकर विकलाई पक्राउ गरेको थियो । विकले गल्ती गरेको भन्दै माफी मागेपछि प्रहरीले उनलाई कागज गरेर छाडिदिएको छ ।