वडाध्यक्ष पक्राउ
खोटाङ — कुटपिटमा संलग्न रहेको आरोपमा केपिलासगढी गाउँपालिका–५ का वडाध्यक्ष खगेन्द्र राई पक्राउ परेका छन् । स्थानीय ३० वर्षीय महेश राईलाई निर्घात कुटपिट गरेको आरोपमा वडाध्यक्षसहित चार जनालाई आइतबार प्रहरीले पक्राउ गरेको हो ।
‘अहिले घटनाको छानबिनका लागि उहाँहरूलाई ल्याइएका हौं,’ डीएसपी वामदेव गौतमले भने, ‘दोषी ठहरिएपछि मात्र मुद्दा चल्ने, नचल्ने थाहा हुन्छ ।’ गत बिहीबार भएको कुटपिटबाट राई गम्भीर घाइते छन् ।
जिल्लामा उपचार हुन नसकेपछि आइतबार उनलाई हेलिकप्टरबाट काठमाडौं पठाइएको छ ।