उच्च अदालत पोखराका न्यायाधीश जीवनहरी अधिकारीद्वारा राजीनामा
काठमाडौँ — उच्च अदालत पोखराका न्यायाधीश जीवनहरी अधिकारीले राजीनामा दिएका छन् । क्षेत्राधिकार नभएको मुद्दा हेरेको आरोपमा न्यायपरिषदले समिति गठन गरेर छानबिन थालेसँगै अधिकारीले राजीनामा दिएका हुन् ।
उनले सपना मल्ल प्रधानको छानबिन समितिमा आफ्नो भनाई राखेसँगै राजीनामा दिएको बताए । उनले राजीनामा घरायसी कारण उल्लेख गरेका छन् । उमेरहदका कारण उनको पदावधि करिब ५ महिनामात्रै बाँकी थियो ।
न्यायपरिषद्बाट सचिव भएका उनी तत्कालीन पुनरावेदन अदालतमा न्यायाधीश नियुक्त भएका थिए ।
प्रकाशित : भाद्र २, २०७६ १७:४२