अभिनेत्री सुभद्रा अधिकारीको निधन

कान्तिपुर संवाददाता

काठमाडौँ — अभिनेत्री सुभद्रा अधिकारीको निधन भएको छ । उनको ७२ वर्षको उमेरमा डल्लुस्थित आफ्नै निवासमा शनिबार बिहान निधन भएको हो । 

अधिकारी लामोसमयदेखि दमबाट पीडित थिइन् । उनको पार्थिव शरीर दिउँसो साढे १२ बजेसम्म डल्लुस्थित निवासमै राखिने र त्यसपछि ‍अन्त्येष्टिका गरिने चलचित्र विकास बोर्डका अध्यक्ष केशव भट्टराईले जानकारी दिए ।


उनले २०७३ सालको चलचित्र दीर्घ साधाना सम्मान पाएकी थिइन् । तीन वर्षदेखि रोकिएको उक्त सम्मान अधिकारीलाई केही दिनअघि मात्रै राष्ट्रपति विद्यादेवी भण्डारीबाट प्रदान गरिएको थियो ।


अभिनेत्री अधिकारीले विभिन्न नाटक र चलचित्रमा अभिनय गरेकी थिइन् ।



प्रकाशित : श्रावण ३२, २०७६ १२:१६
प्रतिक्रिया
पठाउनुहोस्

दुर्घटनामा पत्रकार डायलसन अधिकारीको मृत्यु

अवधेशकुमार झा

सप्तरी — सप्तरीमा शनिबार बिहान एक बोलेरो दुर्घटना हुँदा एक जनाको मृत्यु भएको छ । रुपन्देहीको तिलोतमा नगरपालिकाबाट लगानी सम्मेलनमा सहभागी लिएर विराटनगर जाँदै गरेको बा १६ प २२३५ नम्बरको बोलेरो अनियन्त्रित्र भइ पूर्व पश्चिम राजमार्ग अन्तर्गत सप्तरीको कंचनरुप नगरपालिका-११मा दुर्घटना हुँदा रुपन्देहीका पत्रकार डालयस अधिकारीको घटनास्थलमै मृत्यु भएको सप्तरीका एसपी मनोज यादवले जानकारी दिए ।

प्रतिकात्मक तस्बिर ।


पत्रकार अधिकारी रेडियो नेपालमा कार्यरत थिए ।

दुर्घटनामा परी रुपन्देही उद्योग व्यापार संघका अध्यक्ष जेपी कँडेल, वडाध्यक्षाहरु सोहल चौधरी र तारानाथ पाण्डे र चालक अशोक भण्डारी घाइते भएका छन् ।

चालक भण्डारीको अवस्था गम्भिर रहेको प्रहरीले जनाएको छ । उनको थप उपचारका लागि विराटनगर पठाइएको छ ।

प्रकाशित : श्रावण ३२, २०७६ ११:४३
पूरा पढ्नुहोस्
प्रतिक्रिया
पठाउनुहोस्
×