नेकपाका सचेतक ढकालको घरमा बम विस्फोट

अमृता अनमोल

बुटवल — प्रदेश ५ को नेकपा प्रदेशसभा प्रमुख सचेतक भूमिश्वर ढकालको घरमा बम प्रहार भएको छ । रुपन्देही सैनामैना–७ रामापुरमा रहेको उनको घरमा ३ वटा पेट्रोल बम प्रहार भएको हो । बिहीबार राति करिब २ बजेतिर बम प्रहार भएको थियो । 

इलाका प्रहरी कार्यालय सालझण्डी रुपन्देहीका प्रहरी निरीक्षक रवि मैनालीका अनुसार सचेतक ढकाल सुत्ने कोठा, उनका बुवा–आमा सुत्ने कोठा र उनले प्रयोग गर्ने लु १ ज ४५६ नम्बरको गाडीमा लक्षित गरी बम प्रहार भएको छ ।


प्रहरीको टोली शुक्रबार बिहान मात्रै घटनास्थल पुगेकाले बम कसले प्रहार गर्यो भन्ने खुल्न नसकेको प्रहरीले जनाएको छ ।

सचेतक ढकाल विगत चार दिनदेखि काठमाडौंको मेडिसिटी हस्टिलमा उपचाररत छन् । ‘म काठमाडौंमा उपचार गर्दै छु । मलाई घरमै छ भनेर बम हानिएको रहेछ’ सचेतक ढकालले भने ।

प्रकाशित : श्रावण ३१, २०७६ ०७:४९
ADVERTISEMENT
ADVERTISEMENT
प्रतिक्रिया
पठाउनुहोस्

बस पल्टिँदा एकको मृत्यु, १५ घाइते

प्रताप विष्ट

हेटौडा — पूर्वपश्चिम राजमार्गको हेटौंडा उपमहानगरपालिका— १९ नेवारपानीमा बस अनियन्त्रित भएर दुर्घटना हुँदा एकजनाको मृत्यु भएको छ  । १५ जना घाइते भएका छन् ।

बिहीबार राति साढे २ बजे तिर काठमाडाैंबाट रौतहटतर्फ जाँदै गरेको ना ५ ख २२३३ नम्बरको बस सडकमा अनियन्त्रित भएर पल्टिँदा एकजनाको मृत्यु भएको जिल्ला प्रहरी कार्यालय मकवापनुरका प्रहरी उपरीक्षक मुकेशकुमार सिंहले बताए । बस पल्टिएर बिजुलीको पोलमा ठोक्किएकाे हाे ।

मृत्यु हुनेमा सर्लाही जिल्ला रामनगर बोरहवा गाउँपालिका— ५ बस्ने ५८ वर्षीय मुकेश शर्मा रहेका छन् । उनको हेटौडास्थित चुरेहिल अस्पतालमा उपचारको क्रममा मृत्यु भएको थियो । घाइतेहरु मध्ये ४ जनाको भरतपुर अस्पतालमा, ३ जनाको हेटौंडाको चुरेहिल अस्पतालमा उपचार भइरहेको छ । सात जना उपचारपश्चात गन्तब्यतिर लागेका छन् ।

प्रकाशित : श्रावण ३१, २०७६ ०७:३८
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
×