राप्रपाको केन्द्रीय समिति बैठक भदौ दोस्रो साता

रासस

काठमाडौँ — राष्ट्रिय प्रजातन्त्र पार्टीले आगामी भदौको दोस्रो सातामा केन्द्रीय समितिको बैठक बोलाएको छ । संगठन सुदृढीकरण गर्ने उद्देश्यले आगामी असोजमा ७५३ स्थानीय तहमा प्रशिक्षण पनि सञ्चालन गरिने भएको छ ।

पार्टीका अध्यक्ष कमल थापाको अध्यक्षतामा बसेको केन्द्रीय प्रशिक्षक र पदाधिकारीको संयुक्त बैठकले कार्यकर्ताको मनोबल उच्च राख्न भदौमा देशका ७७ जिल्लामा प्रशिक्षण सञ्चालन गर्ने निर्णय गरेको हो।

देश दौडाहामा जाँदा पार्टीका पदाधिकारी र प्रशिक्षकले पार्टीले बोकेको विचारलाई दृढ भएर स्थानीय तह, प्रदेशमा पुर्याउन इमान्दारीपूर्वक जिम्मेवारी निर्वाह गर्न बैठकले केन्द्रीय प्रशिक्षकलाई निर्देशन दिएको छ।

अध्यक्ष थापाले आफ्नो पार्टी निरन्तरतासहितको परिवर्तनको पक्षमा रहेको बताउँदै जनताको विकास र समृद्धिका चाहना पूरा गर्नका लागि भएका परिवर्तनअनुसार सामाजिक रुपान्तरण हुन नसकेकामा चिन्ता व्यक्त गरे। उनले राप्रपाले लिएको वैचारिक दृष्टिकोणकाबारे फैलिएका भ्रमलाई प्रशिक्षकले जनतालाई बुझाउन निर्देशन दिए।

प्रकाशित : श्रावण ३०, २०७६ १७:५९
प्रतिक्रिया
पठाउनुहोस्

एउटा खुट्टाको भरमा नाच्ने मीनालाई आर्थिक सहयोग

कान्तिपुर संवाददाता

काठमाडौँ — एउटा खुट्टाको भरमा नृत्य गर्दै आएकी कोहलपुर, बाँकेकी मीना पुन मगरको संघर्षमा आधारित रहेर युगान्डाका चलचित्रकर्मी दिलमान दिलाले ६ वर्षअघि ‘द साउन्ड अफ वान लेग डान्सिङ’ (एकखुट्टे नाचको ध्वनि) डकुमेन्ट्री फिल्म निर्माण गरेका थिए ।

नेपाल अन्तर्राष्ट्रिय आदिवासी चलचित्र महोत्सव–२०१२ को जुरी अवार्ड जितेको यो फिल्म हेरेपछि मीनाको शुभचिन्तक बढे ।

डकुमेन्ट्रीमा उनले ‘कोरियोग्राफर र ब्युटिसियन बन्ने तीव्र इच्छा रहेको भए पनि आर्थिक अभावमा पूरा हुन नसकेको’ बताएकी थिइन् । यति बेला उनका शुभचिन्तकहरूले सहयोगी हात अघि बढाएका छन् । दुतबहादुर गर्बुजा पुन मगरको संयोजनमा बेलायतबाट संकलित ३ लाख ७१ हजार १ सय ४५ रुपैयाँ बुधबार हस्तान्तरण गरियो । चलचित्रकर्मी सञ्जोग लाफा मगरले ‘आत्मनिर्भर अभियान’ चलाए पनि उनकै पहलमा सहयोग जुटेको हो ।

बीएफबीएस रेडियो कार्यक्रममा उनै सञ्जोग र विनोद खड्काले रकम हस्तान्तरण गरे । मिगिन थापा मगरको संयोजनमा अमेरिकामा पनि आर्थिक संकलन भइरहेको सञ्जोगले बताए । दुई महिनाअघि बुबाको मृत्यु भएपछि आमा, बहिनी घर सम्हाल्नुपर्ने बाध्यतासँगै काठमाडौंमा आत्मनिर्भर बन्न उनी कोरियोग्राफर र ब्युटिसियन तालिम लिइरहेकी छन् ।

प्रकाशित : श्रावण ३०, २०७६ १७:१८
पूरा पढ्नुहोस्
प्रतिक्रिया
पठाउनुहोस्