बालिका बेचबिखनको आरोपमा बाल मन्दिरका निर्देशक डंगोल पक्राउ

जनकराज सापकोटा

काठमाडौँ — बाल मन्दिरका निर्देशक बालकृष्ण डंगोल बालबालिका बेचबिखनको आरोपमा पक्राउ परेका छन् । प्रहरी स्रोतका अनुसार केही दिनअघि नै प्रहरीले डंगोललाई पक्राउ गरेको हो । बेलायती नागरिक डिना स्मिथलाई निर्देशक डंगोलले बालिका किनेर आफ्नो देश लैजाने प्रबन्ध मिलाइदिएको प्रहरीको आरोप छ ।

स्रोतका अनुसार केही दिनअघि बच्चा लिएर बेलायत उड्न लागेकी स्मिथलाई अध्यागमन विभागले त्रिभुवन अन्तर्राष्ट्रिय विमानस्थलबाट पक्राउ गरेर प्रहरीको जिम्मा लगाएको थियो । स्मिथले एक गर्भपतन केन्द्रमा जन्मिएका बालिकालाई बाल मन्दिरका निर्देशक डंगोलले किनेर धर्मपुत्रीका रुपमा आफ्नो देश लैजान सघाएको बयान दिएलगत्तै प्रहरीले डंगोललाई पक्राउ गरेको हो । यसबारे विस्तृत विवरण केहीबेरमा आउनेछ ।

प्रकाशित : श्रावण २९, २०७६ १७:३३
प्रतिक्रिया
पठाउनुहोस्
ADVERTISEMENT

मिडिया काउन्सिल विधेयक संशोधन हुन्छ : राष्ट्रिय सभा अध्यक्ष तिमिल्सिना

कान्तिपुर संवाददाता

काठमाडौँ — राष्ट्रिय सभाका अध्यक्ष गणेश तिमिल्सिनाले मिडिया काउन्सिल विधेयक संशोधन हुने बताएका छन् । नेपाल पत्रकार महासंघले राष्ट्रिय सभाका अध्यक्ष, उपाध्यक्ष, नेताहरु र महासंघका पदाधिकारीबीच बुधबार गरेको अन्तरसम्वादमा अध्यक्ष तिमिल्सिनाले महासंघ र दलहरुबीचको सहमतिअनुसार विधेयक संशोधन गरी अघि बढ्ने बताएका हुन् ।

उनले सत्य तथ्य समाचार प्रवाह गर्ने दायित्वबारे सचेत रहन पनि आग्रह गरे ।उक्त विधेयक राष्ट्रिय सभामा पेस भएको छ ।

राष्ट्रिय सभाकी उपाध्यक्ष शशिकला दाहालले मिडिया काउन्सिल विधेयकबारे सरोकारवालाका सुझावलाई छलफलमा लैजाने भन्दै संविधानको मूल मर्मविपरीत कुनै पनि कानुन नबन्ने धारणा राखिन् ।

राष्ट्रिय सभामा सत्तारुढ नेकपा नेता दिनानाथ शर्माले मिडिया काउन्सिल विधेयक सम्बन्धमा स्वायत्तताको कुरामा दायाँबायाँ नहुने भन्दै गठन प्रक्रिया सुधार हुने बताए । विधेयकमा भएको दण्ड जरिवाना हटाउनु पर्छ वा राख्नु पर्छ भन्नेबारे महासंघसँग छलफल गरेरमात्र अघि बढ्ने उनको भनाइ थियो ।

। प्रमुख प्रतिपक्ष कांग्रेसका नेता सुरेन्द्र पाण्डेले मिडियामैत्री कानुन बन्नेमा ढुक्क हुन आग्रह गरे ।

पत्रकार महासंघका अध्यक्ष गोविन्द आचार्यले मिडिया काउन्सिल विधेयक लगायत सञ्चारसम्बन्धी सबै कानुन अन्तर्राष्ट्रिय लोकतान्त्रिक मूल्य मान्यताका अधारमा हुनुपर्ने धारणा राखे ।

प्रकाशित : श्रावण २९, २०७६ १७:१८
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT