कान्तिपुर वेबसाईट
AdvertisementAdvertisement

काठमाडौंको विजेश्वरीबाट एक गुण्डालाई नियन्त्रणमा लिन प्रहरीले गोली चलायो

जनकराज सापकोटा

काठमाडौँ — काठमाडौंको विजेश्वरीमा प्रहरीले गोली प्रहार गरी दुई लुटेरालाई नियन्त्रणमा लिएको छ । स्वयम्भूको विजेश्वरीस्थित झिँगु क्याफेबाट 'लोप्साङ' भनिने मिलन लामालाई प्रकाउ गर्ने क्रममा प्रहरीले गोली प्रहार गरेको हो । प्रहरीका अनुसार मिलनको वास्तविक नाम बाबुराम तामाङ हो ।

प्रतिकात्मक तस्बिर

रामेछाप लिखु गाउँपालिका ७ स्थायी घर भएका लामालाई प्रहरीले नियन्त्रणमा लिन खोज्दा भाग्न खोजेपछि घुँडामुनी दुई गोली हानेर नियन्त्रणमा लिइएको महानगरीय प्रहरी अपराध महाशाखाका प्रमुख एसएसपी सहकुल थापाले बताए ।


उनको अनुसार ३० वर्षीय लामाले पछिल्लो समय रामेछापको लिखु गाउँपालिकाका अध्यक्ष गोविन्दबहादुर खड्कालाई २ करोड नदिए छोराछोरी तथा सम्पूर्ण परिवारलाई मारिदिने धम्की दिएका थिए । त्यस्तै उनका सहयोगी २५ वर्षीय अमृत तामाङलाई समेत प्रहरीले नियन्त्रणमा लिएको छ ।


घाइते बाबुरामको ट्रमा सेन्टरमा उपचार भइरहेको छ । एसएसपी थापका अनुसार लामाले अन्य व्यक्तिलाई पनि धम्काएर पैसा असुल्ने गरेको उजुरी छ ।


प्रकाशित : श्रावण २४, २०७६ १३:०९
प्रतिक्रिया
पठाउनुहोस्

प्रअको कुटाईबाट विद्यार्थीको दाँत भाँचियो

प्रकाश बराल

बागलुङ — बागलुङ नगरपालिका–१४ को गणेश माविका प्रधानाध्यापक कृष्ण गौतमले १० कक्षा पढ्ने कुशल पौडेललाई कुटपिट गरेका हुन् । 

कुटपिटबाट विद्यार्थीको दाँत भाँचिएको कुशलका बुवा प्रेमप्रसाद पौडेलले बताए । गणित विषयको पढाउने क्रममा कुशलले पढाइसकेको पाठ नजानेको भन्दै प्रअ गौतमले कुटपिट गरेका थिए । गौतमले कुशललाई बेहोस हुने गरी कुटेको प्रत्यक्षदर्शी एक शिक्षकले बताए । कुशल बेहोस भएपछि मात्र गौतमले कुट्न छाडेका थिए ।

कुशलकी आमा स्वास्थ्यकर्मी भएकाले घरमै राखेर उपचार गराइएको उनले बताए । निजी विद्यालयमा अध्ययन गरिरहेका कुशललाई केही वर्ष अघि सामुदायिकमा भर्ना गरिएको थियो ।

घटनापछि प्रअ गौतम मोबाइल सम्पर्क बाहिर बसेका छन् । वडा अध्यक्ष चक्रबहादुर खत्रीले घटना भएको पुष्टि गरे । ‘घटना भएको रहेछ, छानबिन गर्दै छौं,’ खत्रीले भने, ‘विद्यालय व्यवस्थापन समितिको बैठक बसेर आवश्यक कारवाही गर्न निर्देशन दिएको छु ।’ गणेश मावि गुणस्तरीय शिक्षाका लागि जिल्लाकै उत्कृष्ट घोषित थियो ।

प्रकाशित : श्रावण २४, २०७६ १२:०८
पूरा पढ्नुहोस्
प्रतिक्रिया
पठाउनुहोस्
×