बहुविवाह गर्ने दुई जोडी पक्राउ

एलिसा श्रेष्ठ

भोजपुर — बहुविवाह गरेको आरोपमा भोजपुरमा दुई जोडीलाई प्रहरीले पक्राउ गरेको छ । अरुण गाउँपालिका–४ चरम्बीका २६ वर्षीय टंक विक र उनकी कान्छी श्रीमती १९ वर्षीय बसन्ती विकलाई प्रहरीले पक्राउ गरेको हो । 

ZenTravel


टंककी जेठी श्रीमती अमृताको जाहेरीपछि झापाबाट उनीहरुलाई पक्राउ गरिएको प्रहरीले जनाएको छ।

Meroghar


त्यस्तै, बहुविवाह गर्ने रामप्रसाद राई गाउँपालिका–५ मानेभञ्ज्याङका ३३ वर्षीय खगेन्द्र विक र उनकी कान्छी श्रीमती २६ वर्षीय हिमा राईलाई पक्राउ गरिएको जिल्ला प्रहरी कार्यालय भोजपुरका इन्सपेक्टर पाण्डवकुमार राजवंशीले जानकारी दिए।

प्रहरीले उनीहरुलाई जेठी श्रीमती मीना बराइलीको जाहेरीका आधारमा घरबाटै पक्राउ गरेको हो। पक्राउ परेका उनीहरुविरुद्ध जिल्ला अदालत भोजपुरबाट म्याद थप गरेर अनुसन्धान सुरु गरेको प्रहरीले जनाएको छ।

प्रकाशित : श्रावण २३, २०७६ १५:३४
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

रुद्राक्षको दानालाई राम्रो आकार दिन लगाइएको प्लाष्टिक क्लिप प्रहरीले हटायो 

एलिसा श्रेष्ठ

भोजपुर — षडानन्द नगरपालिकामा ठेकेदारले रुद्राक्षको दाना राम्रो बनाउनका लागि लगाएको प्लाष्टिकको क्लिप प्रहरीले हटाएको छ । किसानबाट ठेकेदारले बगान खरिद गरेर आफुखुसी नगरपालिकाको विभिन्न ठाउँमा रुद्राक्षमा लगाएको क्लिप प्रहरीले हटाएको हो । 

रुद्राक्षमा क्लिप राखेर दाना अप्राकृतिक बनाएको भन्दै गृह मन्त्रालयबाट निर्देशन आएपछि क्लिप हटाएको जिल्ला प्रहरी कार्यालय भोजपुरका इन्सपेक्टर पाण्डवकुमार राजवंशीले जानकारी दिए ।

षडानन्द नगरपालिका–६ केउरेनीपानी र साल्मा क्षेत्रको रुदाक्षको बोटमा लगाइएको क्लिप हटाइएको जिल्ला प्रहरी कार्यालय भोजपुरका इन्सपेक्टर राजवंशीले जानकारी दिए ।

प्रहरीले केउरनेपानीका पीताम्बर लम्सालको बगानमा लगाइएको १ सय ६ वटा र साल्माका ज्ञानेन्द्र बस्नेतको बगानमा लगाइएको २ सय २५ वटा क्लिप हटाएको हो । कृषकहरूबाट नेपाली व्यवसायीले बोटमै ठेक्का लिएर आफू खुसी क्लिप लगाएर आकार परिवर्तन गरेकाले गृहमन्त्रालयको निर्देशन अनुसार क्लीप हटाइएको प्रहरीले जनाएको छ ।

षडानन्द नगरपालिका–६ केउरेनीपानीमा रुद्राक्षको दाना राम्रो बनाउनका लागि लगाएको प्लाष्टिकको क्लिप हटाउँदै प्रहरी लगायत स्थानिय । तस्बिर /एलिसा श्रेष्ठ

चिनियाँ व्यापारीले प्लास्टिक क्लिपको सहायतामा रुद्राक्षको दानालाई गोलो, अन्डा र थेप्चो आकारमा आवश्यकता अनुसार बनाउने गरे पनि अप्राकृतिक रुद्राक्षले अन्तर्राष्ट्रिय बजारमा पार्ने असरका बारेमा भने कृषक अझै अनविज्ञ रहेका छन् ।

रुद्राक्षको अप्राकृतिक आकार र रूपले विश्व बजारमा नेपाली गुणस्तर र छवि बिग्रने भएकाले गृहको निर्देशन अनुसार क्लिप हटाइएको प्रहरीले बताएको छ ।

प्रकाशित : श्रावण २१, २०७६ १०:१५
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
×